Jóhann Berg enn frá vegna meiðsla

Jóhann Berg Guðmundsson verður ekki með Burnley í leiknum gegn Sheffield United í ensku úrvalsdeildinni á laugardaginn.

Jóhann Berg meiddist í leik Íslands og Frakklands í undankeppni EM 11. október síðastliðinn.

Hann hefur misst af tveimur síðustu leikjum Burnley í ensku úrvalsdeildinni vegna meiðslanna og ljóst er að hann missir allavega af einum leik til viðbótar.

Sean Dyche, knattspyrnustjóri Burnley, staðfesti þetta í dag. Hann sagði að Chris Wood og Phil Bardsley væru einnig tæpir vegna meiðsla.

Sean Dyche confirms that striker Chris Wood remains a doubt for the weekend game @SheffieldUnited, as does Phil Bardsley.

JBG still absent

— Burnley FC (@BurnleyOfficial) October 31, 2019

Burnley hefur tapað tveimur leikjum í röð og er í 13. sæti ensku úrvalsdeildarinnar.

Jóhann Berg hefur leikið fjóra deildarleiki með Burnley á tímabilinu og skorað eitt mark.