Góssentíð í sumar Steingerður Sonja Þórisdóttir skrifar 10. maí 2019 11:30 Hljómsveitin GÓSS gaf út ábreiðu af lagi Bubba, Kossar án vara, nú á dögunum. Þó að hljómsveitin GÓSS sé eflaust ekki öllum kunn fer þar fram eitt helsta stórskotalið íslensku tónlistarsenunnar. Hljómsveitina skipa þau Guðmundur Óskar Guðmundsson bassaleikari og söngvararnir Sigurður Guðmundsson og Sigríður Thorlacius. Nú hafa þau tekið sig til og gefið út sitt fyrsta lag en það er ábreiða af laginu Kossar án vara eftir Bubba Morthens. „Okkur langaði að taka lög sem voru ekki endilega þau týpískustu. Siggi kom með hugmyndina að Kossum án vara, það var ekki beint lagið sem lá beint við en þegar það rifjaðist upp fyrir mér fannst mér hugmyndin mjög góð. Þetta er einmitt ekki hið augljósasta af lögum Bubba að velja.“ segir Sigríður Thorlacius, söngkona sveitarinnar. Lagið kom upphaflega út á plötunni Von árið 1992, en ábreiðu GÓSS er ætlað að gefa tóninn fyrir væntanlega plötu. Platan samanstendur af ábreiðum af íslenskum dægurlögum sem eru í uppáhaldið hjá meðlimum.Platan Góssentíð kemur út í sumar.Owen Fiene„Platan mun heita Góssentíð, sem er smá leikur að orðum hjá okkur. Hún kemur út með sumrinu, vonandi frekar snemma í júní. Hún kemur út á streymisveitum en líka á geisladisk og vínyl. Við erum enn þá að reyna að rembast eins og rjúpan við staurinn að halda í vínylinn, ég vil sjálf alltaf helst kaupa mér á vínyl,“ segir Sigríður hlæjandi. Sigurður og Sigríður eru meðal þekktustu söngvara landsins og þarf því vart að kynna þau. Sigurður var forsprakki hljómsveitarinnar Hjálma og Sigríður söngkona Hjaltalín, en bæði hafa þau blómstrað einnig sem sólólistamenn. Þau hafa síðustu ár haldið saman jólatónleika sem hafa notið gífurlegra vinsælda.Upptaka plötunnar fór fram í Lágafellskirkju.Owen Fiene„Guðmundur er reyndar alltaf með á jólatónleikunum og hefur spilað öll árin ásamt því að vera hljómsveitarstjóri. En það er aðeins annar bragur á því, þar erum við með stórsveit en GÓSS er lágstemmdari.“ Guðmundur Óskar er einn fremsti bassaleikari landsins og hefur leikið með fjölda hljómsveita, en hann hefur einnig starfað sem upptökustjóri. Guðmundur var í Hjaltalín ásamt Sigríði en þeir Sigurður eru bræður. Því er sannkallaður fjölskyldu- og vinabragur á hljómsveitinni.Sigurður var áður söngvari hljómsveitarinnar Hjálmar.Owen FieneNafn tríósins samanstendur af fyrstu stöfunum í nöfnum meðlimanna. Hljómsveitin varð til sumarið 2017, en þá fór sveitin tónleikaferð um allt landið og endurtóku þau svo leikinn síðasta sumar. „Þetta er þriðja sumarið í röð sem við förum á flakk, en í þetta skiptið verður það með öðru sniði. Við fórum hringinn fyrstu tvö skiptin en núna gekk það ekki upp skipulagslega séð. Svo við tökum þetta í þremur pörtum í þetta skiptið. En við förum mjög víða samt auðvitað.“ segir Sigríður að lokum.Sigríður og Guðmundur eru einnig saman í hljómsveitinni Hjaltalín.Owen FieneÞví fannst þeim tímabært að drífa sig í upptökur en þær fóru fram í Lágafellskirkju í Mosfellsbæ. Þar tóku þau upp einar helstu dægurlagaperlur landsins, allt frá fornri klassík yfir í Spilverk þjóðanna, Nýdönsk og Stjórnina. Hið nýja lag sveitarinnar, Kossar án vara, er hægt að nálgast á öllum helstu streymisveitum. Menning Mest lesið „Restin í hárið“ reglan gildir í Flonkyball Lífið samstarf „Það er einmanalegt að missa móður“ Lífið Trúlofuðust á gjörgæslunni eftir bílslys á Íslandi Lífið Fréttatía vikunnar: Þyrlur, forsetaframbjóðendur og skemmdarverk Lífið Ellý snýr aftur vegna fjölda áskorana Lífið Borgarstjóri og frú tóku veislustjórnina að sér Lífið Nýtt upphaf Margrétar: „Búin að heita þessu nafni í rúma viku“ Lífið Aron passaði varla inn í bílinn Lífið María Sigrún leikur í einni dýrustu mynd allra tíma Bíó og sjónvarp Nefnd í höfuðið á tveimur mikilvægum konum í lífi þeirra Lífið Fleiri fréttir Fögnuðu íslenskri tónlist við fjöruga opnun Seldi upp á útgáfutónleika án útgáfu „Það má segja að þetta sé í raun sorg og uppgjör“ Kom öllum að óvörum með fleiri lögum í nótt Sest við flygilinn og setur íslenska tónlist í nýjan búning Biðst afsökunar á brösuglegum Coachella-flutningi „Eina sem maður getur virkilega bætt í lífinu er maður sjálfur“ „Ég hef aldrei fylgt reglunum“ Uppselt í þriðja sinn á augabragði Íslandsvinurinn Yung Lean setur stefnuna á risatónleika í Hörpu Inga Sæland með sumarsmell í vasanum Fullur tilhlökkunar fyrir nýjum kafla Nick Cave til Íslands Emelíana Lillý úr FNV vann Söngkeppni framhaldsskólanna Tók símtalið á pabba fyrir Herbert Kaleo gefur út sitt fyrsta lag í þrjú ár Víkingur Heiðar á smáskrifborðstónleikum Æðisleg tilfinning að þurfa ekki að geðjast fólki Fögnuðu ekki bara plötunni með Júlí Heiðari heldur lífinu sjálfu „Fór langt fram úr mínum björtustu vonum“ Draumkennd framtíðarvitrun frá heitustu danssveit landsins Átján ára og stefna langt Súperstjörnur landsins fögnuðu með GDRN Hlustendaverðlaunin 2024: Þegar Sveppi og Ásgeir Orri mættu óvænt á sviðið Ítalski píanistinn Maurizio Pollini látinn Hlustendaverðlaunin 2024: Barnakór tók undir með XXX Rottweiler Níu bónorðsbréf til sömu konunnar innblásturinn að nýjustu plötunni Hlustendaverðlaunin 2024: Tónlistaratriðin sem slógu í gegn Myndaveisla: Margt um dýrðir á Hlustendaverðlaunum 2024 Galið að geyma lagið í skúffunni Sjá meira
Þó að hljómsveitin GÓSS sé eflaust ekki öllum kunn fer þar fram eitt helsta stórskotalið íslensku tónlistarsenunnar. Hljómsveitina skipa þau Guðmundur Óskar Guðmundsson bassaleikari og söngvararnir Sigurður Guðmundsson og Sigríður Thorlacius. Nú hafa þau tekið sig til og gefið út sitt fyrsta lag en það er ábreiða af laginu Kossar án vara eftir Bubba Morthens. „Okkur langaði að taka lög sem voru ekki endilega þau týpískustu. Siggi kom með hugmyndina að Kossum án vara, það var ekki beint lagið sem lá beint við en þegar það rifjaðist upp fyrir mér fannst mér hugmyndin mjög góð. Þetta er einmitt ekki hið augljósasta af lögum Bubba að velja.“ segir Sigríður Thorlacius, söngkona sveitarinnar. Lagið kom upphaflega út á plötunni Von árið 1992, en ábreiðu GÓSS er ætlað að gefa tóninn fyrir væntanlega plötu. Platan samanstendur af ábreiðum af íslenskum dægurlögum sem eru í uppáhaldið hjá meðlimum.Platan Góssentíð kemur út í sumar.Owen Fiene„Platan mun heita Góssentíð, sem er smá leikur að orðum hjá okkur. Hún kemur út með sumrinu, vonandi frekar snemma í júní. Hún kemur út á streymisveitum en líka á geisladisk og vínyl. Við erum enn þá að reyna að rembast eins og rjúpan við staurinn að halda í vínylinn, ég vil sjálf alltaf helst kaupa mér á vínyl,“ segir Sigríður hlæjandi. Sigurður og Sigríður eru meðal þekktustu söngvara landsins og þarf því vart að kynna þau. Sigurður var forsprakki hljómsveitarinnar Hjálma og Sigríður söngkona Hjaltalín, en bæði hafa þau blómstrað einnig sem sólólistamenn. Þau hafa síðustu ár haldið saman jólatónleika sem hafa notið gífurlegra vinsælda.Upptaka plötunnar fór fram í Lágafellskirkju.Owen Fiene„Guðmundur er reyndar alltaf með á jólatónleikunum og hefur spilað öll árin ásamt því að vera hljómsveitarstjóri. En það er aðeins annar bragur á því, þar erum við með stórsveit en GÓSS er lágstemmdari.“ Guðmundur Óskar er einn fremsti bassaleikari landsins og hefur leikið með fjölda hljómsveita, en hann hefur einnig starfað sem upptökustjóri. Guðmundur var í Hjaltalín ásamt Sigríði en þeir Sigurður eru bræður. Því er sannkallaður fjölskyldu- og vinabragur á hljómsveitinni.Sigurður var áður söngvari hljómsveitarinnar Hjálmar.Owen FieneNafn tríósins samanstendur af fyrstu stöfunum í nöfnum meðlimanna. Hljómsveitin varð til sumarið 2017, en þá fór sveitin tónleikaferð um allt landið og endurtóku þau svo leikinn síðasta sumar. „Þetta er þriðja sumarið í röð sem við förum á flakk, en í þetta skiptið verður það með öðru sniði. Við fórum hringinn fyrstu tvö skiptin en núna gekk það ekki upp skipulagslega séð. Svo við tökum þetta í þremur pörtum í þetta skiptið. En við förum mjög víða samt auðvitað.“ segir Sigríður að lokum.Sigríður og Guðmundur eru einnig saman í hljómsveitinni Hjaltalín.Owen FieneÞví fannst þeim tímabært að drífa sig í upptökur en þær fóru fram í Lágafellskirkju í Mosfellsbæ. Þar tóku þau upp einar helstu dægurlagaperlur landsins, allt frá fornri klassík yfir í Spilverk þjóðanna, Nýdönsk og Stjórnina. Hið nýja lag sveitarinnar, Kossar án vara, er hægt að nálgast á öllum helstu streymisveitum.
Menning Mest lesið „Restin í hárið“ reglan gildir í Flonkyball Lífið samstarf „Það er einmanalegt að missa móður“ Lífið Trúlofuðust á gjörgæslunni eftir bílslys á Íslandi Lífið Fréttatía vikunnar: Þyrlur, forsetaframbjóðendur og skemmdarverk Lífið Ellý snýr aftur vegna fjölda áskorana Lífið Borgarstjóri og frú tóku veislustjórnina að sér Lífið Nýtt upphaf Margrétar: „Búin að heita þessu nafni í rúma viku“ Lífið Aron passaði varla inn í bílinn Lífið María Sigrún leikur í einni dýrustu mynd allra tíma Bíó og sjónvarp Nefnd í höfuðið á tveimur mikilvægum konum í lífi þeirra Lífið Fleiri fréttir Fögnuðu íslenskri tónlist við fjöruga opnun Seldi upp á útgáfutónleika án útgáfu „Það má segja að þetta sé í raun sorg og uppgjör“ Kom öllum að óvörum með fleiri lögum í nótt Sest við flygilinn og setur íslenska tónlist í nýjan búning Biðst afsökunar á brösuglegum Coachella-flutningi „Eina sem maður getur virkilega bætt í lífinu er maður sjálfur“ „Ég hef aldrei fylgt reglunum“ Uppselt í þriðja sinn á augabragði Íslandsvinurinn Yung Lean setur stefnuna á risatónleika í Hörpu Inga Sæland með sumarsmell í vasanum Fullur tilhlökkunar fyrir nýjum kafla Nick Cave til Íslands Emelíana Lillý úr FNV vann Söngkeppni framhaldsskólanna Tók símtalið á pabba fyrir Herbert Kaleo gefur út sitt fyrsta lag í þrjú ár Víkingur Heiðar á smáskrifborðstónleikum Æðisleg tilfinning að þurfa ekki að geðjast fólki Fögnuðu ekki bara plötunni með Júlí Heiðari heldur lífinu sjálfu „Fór langt fram úr mínum björtustu vonum“ Draumkennd framtíðarvitrun frá heitustu danssveit landsins Átján ára og stefna langt Súperstjörnur landsins fögnuðu með GDRN Hlustendaverðlaunin 2024: Þegar Sveppi og Ásgeir Orri mættu óvænt á sviðið Ítalski píanistinn Maurizio Pollini látinn Hlustendaverðlaunin 2024: Barnakór tók undir með XXX Rottweiler Níu bónorðsbréf til sömu konunnar innblásturinn að nýjustu plötunni Hlustendaverðlaunin 2024: Tónlistaratriðin sem slógu í gegn Myndaveisla: Margt um dýrðir á Hlustendaverðlaunum 2024 Galið að geyma lagið í skúffunni Sjá meira