Mason Mount hræddi líftóruna úr Declan Rice | Myndband

Stórvinirnir Mason Mount, leikmaður Chelsea, og Declan Rice hjá West Ham er saman í fríi þessa dagana og það skilaði sér í fyndnasta myndbandi dagsins á netinu.

Þessir ungu og efnilegu drengir leigðu bát þar sem þeir hafa verið að njóta lífsins. Rice til að mynda sýndi Mount góðan dans sem hann hefur verið að æfa.

Er Rice lagði sig síðan náði Mount að hræða úr honum líftóruna með því að vekja félagann með látum. Viðbrögð Rice eru stórkostleg.

Mason Mount scaring the life out of Declan Rice is the best thing you'll watch all day pic.twitter.com/sZ2LLRJQVA

— The Sun Football  (@TheSunFootball) July 3, 2019

Þeir komu báðir upp úr unglingastarfi Chelsea og tókst þá með þeim mikill vinskapur sem heldur augljóslega enn.

Mount var á láni hjá Derby County síðasta vetur og spilaði geysilega vel á meðan Rice var eins og höfðingi á miðjunni hjá West Ham og vann sér sæti í enska landsliðinu.