Óvíst hvort Alderweireld verði áfram hjá Tottenham

Toby Alderweireld, varnarmaður Tottenham, segist óvíst hvort að hann spili áfram hjá félaginu á næstu leiktíð en hann hefur verið orðaður burt frá félaginu.

Fyrr á þessari leiktíð virkti Tottenham klásúlu í samningi Alderweireld að hann sé samningsbundinn félaginu til 2020 en hann er falur fyrir 25 milljónir punda í sumar.

Alderweireld hefur spilað stórt hlutverk í góðu gengi Tottenham í Meistaradeildinni það sem af er leiktíðinni en hann hefur leikið 38 leiki með Tottenham á leiktíðinni.

Nú er hann með landsliði Belga sem undirbýr sig fyrir leiki gegn Rússlandi og Kýpur í undankeppni EM 2020 en hann segir að hans einbeiting sé að enda tímabilið eins vel og hægt er með Tottenham.

Toby Alderweireld says he does not know if he will be a Tottenham player next season.

— Sky Sports Premier League (@SkySportsPL) March 19, 2019

„Það er mikið að spila um á leiktíðinni og ég er með samning eitt ár í viðbót en ég er ekki að horfa mikið lengra en út þetta tímabil,“ sagði varnarmaðurinn öflugi í samtali við Sky Sports.

„Ég veit svo ekki meira. Ég er ánægður hjá Tottenham en við sjáum hvað framtíðin ber í skauti sér. Ég er í góðu formi. Ég hef spilað fullt af mínútum á þessu tímabili og mér líður ekki eins og ég sé þrítugur.“

„Mér líður eins og ég sé yngri. Svo eins og ég segi, ég er mjög ánægður og ég horfi á þetta frá leik til leik. Það er nóg að spila um á þessari leiktíð svo ég mun gefa mitt besta þar,“ sagði Belginn.