Enski boltinn

Arsenal fær Ceballos á láni frá Real Madrid

Ingvi Þór Sæmundsson skrifar
Ceballos varð Evrópumeistari U-21 árs með Spáni fyrr í sumar.
Ceballos varð Evrópumeistari U-21 árs með Spáni fyrr í sumar. vísir/getty
Arsenal hefur fengið spænska miðjumanninn Dani Ceballos á láni frá Real Madrid. Lánssamningurinn gildir út tímabilið.



Ceballos, sem er 22 ára, hóf ferilinn hjá Real Betis en var seldur til Real Madrid fyrir tveimur árum. Hann lék 56 leiki og skoraði fimm mörk fyrir Real Madrid en átti ekki fast sæti í byrjunarliðinu.

Ceballos varð Evrópumeistari U-21 árs liða með Spáni fyrr í sumar og var valinn í lið mótsins. Á EM U-21 árs fyrir tveimur árum var Ceballos valinn besti leikmaður mótsins. Spánverjar enduðu þá í 2. sæti.

Ceballos hefur einnig leikið sex A-landsleiki fyrir Spán og skorað eitt mark.

Hann verður í treyju númer 8 hjá Arsenal. Hún losnaði þegar Aaron Ramsey fór til Juventus.

Enski boltinn

Mest lesið


Fleiri fréttir

Sjá meira


×

Mest lesið