Kane ekki með gegn Everton

Enski fjölmiðlar greina frá því að Harry Kane verði ekki með Tottenham gegn Everton á Goodison Park í ensku úrvalsdeildinni í dag vegna veikinda.

Kane er markahæsti leikmaður Tottenham á tímabilinu með tíu mörk í öllum keppnum.

Enski landsliðsfyrirliðinn ætti að vera búinn að ná sér í tæka tíð fyrir leikinn gegn Rauðu stjörnunni í Belgrad í Meistaradeild Evrópu á miðvikudaginn.

Ryan Sessegnon, sem Tottenham keypti frá Fulham í haust, er í fyrsta sinn í leikmannahópi Spurs og gæti þreytt frumraun sína með liðinu í dag. Sessegnon hefur glímt við meiðsli aftan í læri undanfarnar vikur.

Tottenham er í 13. sæti ensku úrvalsdeildarinnar með tólf stig. Everton er í 17. sætinu með tíu stig.