„Þegar krakkarnir komu inn á var þetta eins og körfuboltaleikur“

Greame Souness, fyrrum landsliðsmaður Englands og knattspyrnustjóri, var ekki hrifinn af leik Arsenal í síðari hálfleik er liðið gerði 2-2 jafntefli við Watford.

Allt var með Arsenal í fyrri hálfleik og þeir leiddu með tveimur mörkum gegn engum í hálfleik. Það fór hins vegar allt á annan endann í síðari hálfleiknum og lokatölurnar urðu 2-2 jafntefli.

„Ef þú ert stuðningsmaður Arsenal að horfa á þetta hlýturðu að vera klóra þér í höfðinu. Þetta leit út eins og aðalliðið þeirra í fyrri hálfleik en B-liðið í síðari hálfleik. Þeir brotnuðu,“ sagði Souness.

„Alvöru lið gera það ekki. Almennileg lið spila ekki svona í fyrri hálfleik og síðari hálfleik. Þeir settu krakka inn á og við settum spurningarmerki við það.“

"I don't understand how they can be scared"

Report: https://t.co/nxbJ70N5Q1pic.twitter.com/mcEtRA3o0h

— Sky Sports Premier League (@SkySportsPL) September 15, 2019

„Þeir voru með leikinn,r voru 2-1 yfir og þá áttu þeir að taka sig saman og sjá til þess að þeir myndu ekki tapa leiknum. Þegar krakkarnir komu inn á var þetta eins og körfuboltaleikur.“

„Ég held að ef þú ert stuðningsmaður Arsenal hlýtur þetta að valda þér miklum áhyggjum,“ sagði brúnaþungur Souness að lokum.