Everton sótti stig á Old Trafford án Gylfa

Arnar Geir Halldórsson skrifar
Mason Greenwood í þann mund að jafna leikinn.
Mason Greenwood í þann mund að jafna leikinn. vísir/getty

Everton heimsótti Manchester United í ensku úrvalsdeildinni í dag og léku Everton menn án Gylfa Þórs Sigurðssonar þar sem hann er að glíma við veikindi. 



Jesse Lingard fékk fyrsta færi leiksins eftir aðeins 20 sekúndna leik en skaut boltanum framhjá markinu úr góðu færi. Man Utd byrjaði leikinn af krafti en fljótlega fór að fjara undan sóknarleik þeirra.



Á 36.mínútu dró til tíðinda þegar Victor Lindelöf setti boltann í eigið net. Vildu heimamenn fá dæmda aukaspyrnu á Dominic Calvert Lewin sem virtist brjóta á David De Gea í aðdraganda marksins en þó atvikið hafi verið skoðað af VAR var ekkert dæmt. Everton með forystu í leikhléi.



Það var lítið að frétta í leiknum þegar Mason Greenwood var skipt inn á eftir rúmlega klukkutíma leik en enska ungstirnið var ekki lengi að setja mark sitt á leikinn og jafnaði metin fyrir Man Utd á 77.mínútu með góðu skoti.



Eftir það gerðist lítið og niðurstaðan 1-1 jafntefli.

Bein lýsing

Leikirnir




    Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.
    Velkomin á Vísi. Þessi vefur notar vafrakökur. Sjá nánar.