Íslenski boltinn

Albert Brynjar úr Fjölni í Kórdrengina

Anton Ingi Leifsson skrifar
Albert ásamt Davíð Smára, þjálfara Kórdrengjanna.
Albert ásamt Davíð Smára, þjálfara Kórdrengjanna. mynd/kórdrengir

Albert Brynjar Ingason mun leika í 2. deildinni næsta sumar en hann hefur skrifað undir samning við Kórdrengina.

Kórdrengir verða nýliðar í annarri deildinni næsta sumar eftir að hafa komist upp úr þriðju deildinni ásamt KF í sumar.

Albert Brynjar hjálpaði Fjölni að tryggja sér sæti í Pepsi Max-deildinni í sumar en áður hafði hann leikið með Fylki, Val, Þór og FH.

Albert hefur skorað 105 mörk í rúmlega 300 leikjum í meistaraflokki en Kórdrengir lýstu yfir ánægju með komu Alberts á Facebook.

„Kórdrengir eru gríðarlega ánægðir með þennan mikla liðstyrk sem Albert Brynjar er og einnig gríðarlega stoltir að hann hafi ákveðið að taka slaginn með okkur, frekar en þeim mörgu góðu liðum sem á eftir honum voru!“




Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.