Enski boltinn

Fyrstur til að skora í öllum leikjum undankeppninnar

Arnar Geir Halldórsson skrifar
Harry Kane.
Harry Kane. vísir/getty
Enski markahrókurinn Harry Kane skráði sig á spjöld sögunnar hjá enska landsliðinu þegar hann skoraði annað mark Englands í 0-4 sigri á Kosovo í síðasta leik enska liðsins í A-riðli undankeppni EM 2020.



Þetta var tólfta mark Kane í undankeppninni en hann skoraði í öllum átta leikjum Englands í riðlinum.



England sýndi algjöra yfirburði og vann sjö leiki, alla mjög örugglega en eini tapleikur liðsins kom í Tékklandi þar sem Kane skoraði eina mark Englands í 2-1 tapi.



Kane er í sjötta sæti yfir markahæstu landsliðsmenn Englands frá upphafi með 32 mörk í 45 leikjum og verður að teljast líklegur til að ná markametinu af Wayne Rooney sem skoraði 53 mörk í 120 leikjum á landsliðsferli sínum.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.