Enski boltinn

Rafa Benitez að snúa aftur í enska boltann?

Arnar Geir Halldórsson skrifar
Endurkoma til Englands í kortunum.
Endurkoma til Englands í kortunum. vísir/getty

Spænski knattspyrnustjórinn Rafa Benitez gæti verið að undirbúa enn eina endurkomuna í ensku úrvalsdeildina en enskir fjölmiðlar greina frá því í dag að forráðamenn West Ham hafi sett sig í samband við Benitez.

Hinn 59 ára gamli Benitez hefur þjálfað Liverpool, Chelsea og Newcastle United í enska boltanum en hann yfirgaf Newcastle síðastliðið sumar, stuðningsmönnum félagsins til mikilla vonbrigða.

Benitez skellti sér í kjölfarið til Kína þar sem hann er nú starfandi þjálfari Dalian Yifang en þrjár umferðir eru eftir af deildarkeppninni þar í landi og er talið ólíklegt að Benitez hafi áhuga á að halda áfram í Kína.

Talið er að forráðamenn West Ham séu farnir að horfa í kringum sig í þjálfaramálum en Lundúnarliðið hefur ekki byrjað tímabilið vel undir stjórn Manuel Pellegrini og situr í 16.sæti deildarinnar, fimm stigum frá fallsvæðinu.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.