Í beinni í dag - Íslendingalið Brentford heimsækir Loftus Road

Fjórtándu umferð ensku B-deildarinnar í fótbolta lýkur í kvöld þegar Queens Park Rangers fær Brentford í heimsókn en bæði lið geta komið sér ofarlega í töflunni með sigri í kvöld.

Patrik Sigurður Gunnarsson, unglingalandsliðsmarkvörður, er á mála hjá Brentford sem situr í 13.sæti deildarinnar með 18 stig eftir 13 leiki. 

QPR hefur fimm stigum meira í 8.sæti deildarinnar og getur komið sér upp í 2.sæti með sigri í kvöld.

Leikurinn verður sýndur beint á Stöð 2 Sport og hefst útsending klukkan 19:40.