Í beinni í dag: Stórleikir á Englandi

Það verða stórleikir á dagskrá sportrása Stöðvar 2 í kvöld. Íslenski handboltinn mætir aftur, enski deildarbikarinn, Domino's deild kvenna og ítalski og spænski boltinn.

Topplið Olísdeildar karla, Haukar, ríða fyrstir á vaðið eftir landsleikjahléið og mæta ÍBV í stórleik á Ásvöllum. Haukar eru með eins stigs forystu á toppi deildarinnar en ÍBV er í 5. sæti, þremur stigum á eftir Haukum.

Haukar verða líka í eldlínunni í körfuboltanum, kvennalið Hauka mætir Snæfelli í Stykkishólmi. Haukar eru tveimur stigum á eftir toppliði Vals og mega ekki við því að misstíga sig fyrir vestan.

Í enska deildarbikarnum verður stórleikur í 16-liða úrslitunum þegar Chelsea fær Manchester United í heimsókn á Stamford Bridge.

Ole Gunnar Solskjær fór illa með Frank Lampard í leik liðanna í ensku úrvalsdeildinni í upphafi tímabilsins og þurfa Chelsea-menn að leita hefnda.

Þá verður annar stórleikur á Anfield þar sem topplið deildarinnar, Liverpool, fær Arsenal í heimsókn.

Á Spáni eru bæði Real Madrid og Valencia í eldlínunni og Juventus mætir Genoa í ítölsku úrvalsdeildinni.

Allar upplýsingar um beinar útsendingar og dagskrá sportstöðvanna má sjá hér.

Dagskrá sportrása Stöðvar 2 í kvöld:

17: 55 Valencia - Sevilla, Sport 4

17:55 Napólí - Atalanta, Sport 5

18:20 Haukar - ÍBV, Sport 3

19:05 Snæfell - Haukar, Sport 6

19:20 Liverpool - Arsenal, Sport

19:55 Juventus - Genoa, Sport 5

20:00 Chelsea - Manchester United, Sport 2

20:10 Real Madrid - Leganes, Sport 4

02:00 HSBC Champions, Stöð 2 Golf