Myndaveisla frá æfingu landsliðsins í blíðunni í Laugardalnum

Undirbúningur íslenska karlalandsliðsins fyrir leikina gegn Moldóvu og Albaníu í undankeppni EM 2020 hófst formlega í morgun. Íslenska liðið æfði þá í blíðunni á Laugardalsvelli.

Leikirnir sem framundan eru skipta miklu máli fyrir íslenska liðið í undankeppninni. Ísland er með níu stig í H-riðli, líkt og heimsmeistarar Frakklands og Tyrkland.

Ísland mætir Moldóvu á Laugardalsvellinum á laugardaginn. Eftir viku mæta Íslendingar svo Albönum ytra.

Vilhelm Gunnarsson, ljósmyndari Vísis, var á æfingunni á Laugardalsvellinum í dag og tók meðfylgjandi myndir.