David Luiz vill fara til Arsenal

David Luiz, varnarmaður Chelsea, vill fara til Arsenal samkvæmt heimildum Sky Sports. Hann æfði ekki með Chelsea-liðinu í dag.

BREAKING: Chelsea defender David Luiz wants a move to Arsenal before the transfer deadline and trained away from the rest of the squad today

— Sky Sports News (@SkySportsNews) August 7, 2019

Arsenal er í leit að miðverði í staðinn fyrir Laurent Koscielny sem er farinn til Bordeaux. Arsenal hefur þó ekki enn gert tilboð í Luiz.

Líkurnar á því Chelsea selji Luiz til Arsenal verða þó að teljast litlar vegna félagaskiptabannsins sem Chelsea er í.

Luiz kom óvart aftur til Chelsea á lokadegi félagaskiptagluggans fyrir þremur árum. Hann lék með Chelsea á árunum 2011-14, áður en hann var seldur til Paris Saint-Germain.

Brassinn hefur einu sinni orðið Englandsmeistari og tvisvar sinnum bikarmeistari með Chelsea. Þá hefur hann unnið Meistaradeild Evrópu einu sinni og Evrópudeildina tvisvar með félaginu.