Ole Gunnar Solskjær, stjóri Man Utd, virðist enn hafa trú á því að félagið muni halda franska miðjumanninum Paul Pogba.



Solskjær var minntur á gömul ummæli sín þess efnis að lið sem hefði Pogba innanborðs ætti alltaf að byggja lið sitt í kringum hann. Kveðst Norðmaðurinn enn vera á þeirra skoðun.



„Paul er stórkostlegur leikmaður og frábær persóna. Hann hefur alltaf verið mikill atvinnumaður og ég hef átt mjög gott samband við hann alveg frá því ég þjálfaði hann í varaliðinu fyrir nokkrum árum.“



„Ég hef sagt það áður að ef þú ert með hann í hópnum þínum þá byggir þú liðið í kringum hann. Sú skoðun hefur ekki breyst svo ég myndi segja það sama núna,“ segir Solskjær.



Pogba hefur sjálfur gefið í skyn að hann vilji fara frá félaginu en Man Utd hefur unnið tvo titla síðan Pogba gekk aftur í raðir félagsins sumarið 2016 og þar á bæ líta menn á það sem heldur slaka uppskeru.



„Þeir leikmenn sem gætu viljað fara hafa ekki upplifað hvernig það er að vera í Man Utd þegar liðið er sigursælt. Um leið og við byrjum að vinna titla er þetta besti staðurinn að vera á fyrir fótboltamenn,“ sagði Norðmaðurinn geðþekki einnig.