Landsliðsfólk þarf að borga fyrir að vera valið í landsliðið Benedikt Bóas Hinriksson skrifar 5. júní 2019 09:30 Blaklandslið Íslands þurfti að standa straum af kostnaði að hluta sjálft til að komast á Smáþjóðaleikana. Mynd/ÍSÍ „Afrekssjóðurinn hefur breytt miklu, og okkar landslagi, en staðan er enn þannig að landsliðsfólk okkar þarf að greiða hluta af kostnaði við landsliðsferðir,“ segir Grétar Eggertsson, formaður Blaksambands Íslands, en landsliðsfólk sambandsins þurfti að standa í fjáröflun fyrir Smáþjóðaleikana sem er nýlokið í Svartfjallalandi. Fréttablaðið sagði frá því á mánudaginn að Íþrótta- og tómstundaráð Reykjanesbæjar teldi nauðsynlegt að hækka styrki til efnilegasta íþróttafólks á Suðurnesjum sem tekur þátt í landsliðsverkefnum. Kostnaður leikmanna liðanna sem taka þátt í verkefnum yngri landsliðanna í körfubolta erlendis hleypur á milljónum. En það eru ekki aðeins yngri landsliðsmenn sem þurfa að standa straum af kostnaði sem fylgir því að vera í landsliði. Landsliðsmenn og -konur í blaki þurftu að sinna fjáröflun til að komast á Smáþjóðaleikana. „Ég þekki ekki hvernig þetta er hjá öllum hinum sérsamböndunum. En staðan hjá BLÍ er þannig að landsliðsfólk stendur undir hluta af kostnaði. Við komum til móts við okkar landsliðsfólk en auðvitað er bagalegt að A-landsliðsfólk þurfi að greiða fyrir ferðir sínar,“ segir Grétar. Ekki er búið að gera upp hvað hver landsliðsmaður þurfti að greiða. „Styrkjaleit og fjáröflun, það er töluverð vinna og tími sem fer í það, sem maður vildi að fólkið okkar nýtti frekar í að æfa íþróttina,“ bætir hann við. Afreksíþróttasjóður úthlutaði um 350 milljónum fyrir árið 2018 og hækkaði um 100 milljónir milli ára. KSÍ fékk 0 krónur fyrir síðasta ár en flestir formenn sérsambanda sem Fréttablaðið hefur rætt við telja að það sé eina sérsambandið sem þurfi ekki að láta sína iðkendur borga einhvern hluta. Rekstrartekjur KSÍ námu 2,4 milljörðum króna á síðasta ári samkvæmt ársreikningi og nam rekstrarhagnaður 502 milljónum króna. Heildarkostnaður við öll landslið Íslands í fótbolta nam 1,2 milljörðum króna árið 2018. „Hjá okkur í Blaksambandinu, þá eru búin að vera mörg stór verkefni að undanförnu og sambandið hefur ekki djúpa vasa. En afreksstyrkurinn hefur breytt töluvert miklu í kringum allt starfið líka,“ segir Grétar en Blaksambandið fékk 10,5 milljónir á síðasta ári úr sjóðnum. Freyr Ólafsson, formaður Frjálsíþróttasambands Íslands, segir formið vera einfalt þar á bæ. Hver iðkandi borgi 45 þúsund krónur fyrir að taka þátt í erlendum mótum. Íþróttamaðurinn fær ekki reikninginn heldur félagið. „Það er svo undir íþróttafélaginu sjálfu komið hvað það gerir við reikninginn. Til dæmis í Reykjavík þá borgar ÍBR fyrir fólk í landsliðsverkefni. Það eru því 15 þúsund sem eftir standa á iðkanda. Þetta er viðráðanlegt í frjálsíþróttabransanum en auðvitað vildi maður óska að landsliðsfólk þyrfti ekki að borga.“ Birtist í Fréttablaðinu Blak Íþróttir Mest lesið Barnshafandi eftir langt ferli sem tók á andlega Íslenski boltinn Skytturnar tylltu sér á toppinn með stæl Enski boltinn Kári Vagn náði níu pílna leik og stefnir á Ally Pally Sport Ótrúlegur lækningamáttur í dalnum vekur furðu Íslenski boltinn Segir viðbrögð fjölmiðla til skammar Enski boltinn Uppgjör og myndir: Fram - Haukar 23-27 | Gestirnir sterkari undir lokin Handbolti Einar Árni hættur hjá Hetti Körfubolti Dæmd í bann eftir að ljúga til um krabbamein til að sleppa við bann Sport Segir að Ten Hag sé búinn að vera Enski boltinn „Mér fannst ódýrt af Arnari að bera þetta saman“ Íslenski boltinn Fleiri fréttir „Ég hefði bara átt að taka leikhlé“ Segir sitt hlutverk að fá leikmenn til að trúa á verkefnið Fjölnir fyrsta liðið í sextán liða úrslit „Ég er bara mjög spenntur, þeir eru klárlega ‘the team to beat’“ Juventus í bikarúrslit þrátt fyrir tap „Maður hugsar ekki þannig sem þjálfari“ Uppgjör og myndir: Fram - Haukar 23-27 | Gestirnir sterkari undir lokin Skytturnar tylltu sér á toppinn með stæl Ekroth og þrír aðrir í banni í næstu umferð Bestu deildarinnar Íslandsmeistararnir byrja undanúrslitaeinvígið á sigri Teitur Örn öflugur og Flensburg í góðri stöðu Fjórða vika Rocket League deildarinnar í fullum gangi í kvöld Glugginn að lokast – Íslandsmeistari í KFA og Málfríður heim Liverpool aftur á leiðinni til Adidas Skorar tíðast allra en missir enn af leikjum Liverpool Gary Martin til Ólafsvíkur Segir viðbrögð fjölmiðla til skammar Ísland hefði mátt taka 26 leikmenn á EM Milan ætlar að reka Pioli „Ég fékk alla vega mat í dag“ Højlund kvartaði yfir því að Fernandes gæfi ekki nógu oft á sig Heldur tryggð við Aston Villa þrátt fyrir áhuga annarra liða Ótrúlegur lækningamáttur í dalnum vekur furðu Árs bann fyrir árás á eftirlitsmann og þjálfarinn fékk líka bann Kári Vagn náði níu pílna leik og stefnir á Ally Pally „Sýna að þetta sé Chelsea FC en ekki Cole Palmer FC“ Sara best og danskur meistari: Brá þegar þjálfarinn kallaði en fékk mikið hrós „Mér fannst ódýrt af Arnari að bera þetta saman“ Murray kramdi Lakers-hjörtun Fannst Pogba týna sjálfum sér eftir að hann varð heimsmeistari Sjá meira
„Afrekssjóðurinn hefur breytt miklu, og okkar landslagi, en staðan er enn þannig að landsliðsfólk okkar þarf að greiða hluta af kostnaði við landsliðsferðir,“ segir Grétar Eggertsson, formaður Blaksambands Íslands, en landsliðsfólk sambandsins þurfti að standa í fjáröflun fyrir Smáþjóðaleikana sem er nýlokið í Svartfjallalandi. Fréttablaðið sagði frá því á mánudaginn að Íþrótta- og tómstundaráð Reykjanesbæjar teldi nauðsynlegt að hækka styrki til efnilegasta íþróttafólks á Suðurnesjum sem tekur þátt í landsliðsverkefnum. Kostnaður leikmanna liðanna sem taka þátt í verkefnum yngri landsliðanna í körfubolta erlendis hleypur á milljónum. En það eru ekki aðeins yngri landsliðsmenn sem þurfa að standa straum af kostnaði sem fylgir því að vera í landsliði. Landsliðsmenn og -konur í blaki þurftu að sinna fjáröflun til að komast á Smáþjóðaleikana. „Ég þekki ekki hvernig þetta er hjá öllum hinum sérsamböndunum. En staðan hjá BLÍ er þannig að landsliðsfólk stendur undir hluta af kostnaði. Við komum til móts við okkar landsliðsfólk en auðvitað er bagalegt að A-landsliðsfólk þurfi að greiða fyrir ferðir sínar,“ segir Grétar. Ekki er búið að gera upp hvað hver landsliðsmaður þurfti að greiða. „Styrkjaleit og fjáröflun, það er töluverð vinna og tími sem fer í það, sem maður vildi að fólkið okkar nýtti frekar í að æfa íþróttina,“ bætir hann við. Afreksíþróttasjóður úthlutaði um 350 milljónum fyrir árið 2018 og hækkaði um 100 milljónir milli ára. KSÍ fékk 0 krónur fyrir síðasta ár en flestir formenn sérsambanda sem Fréttablaðið hefur rætt við telja að það sé eina sérsambandið sem þurfi ekki að láta sína iðkendur borga einhvern hluta. Rekstrartekjur KSÍ námu 2,4 milljörðum króna á síðasta ári samkvæmt ársreikningi og nam rekstrarhagnaður 502 milljónum króna. Heildarkostnaður við öll landslið Íslands í fótbolta nam 1,2 milljörðum króna árið 2018. „Hjá okkur í Blaksambandinu, þá eru búin að vera mörg stór verkefni að undanförnu og sambandið hefur ekki djúpa vasa. En afreksstyrkurinn hefur breytt töluvert miklu í kringum allt starfið líka,“ segir Grétar en Blaksambandið fékk 10,5 milljónir á síðasta ári úr sjóðnum. Freyr Ólafsson, formaður Frjálsíþróttasambands Íslands, segir formið vera einfalt þar á bæ. Hver iðkandi borgi 45 þúsund krónur fyrir að taka þátt í erlendum mótum. Íþróttamaðurinn fær ekki reikninginn heldur félagið. „Það er svo undir íþróttafélaginu sjálfu komið hvað það gerir við reikninginn. Til dæmis í Reykjavík þá borgar ÍBR fyrir fólk í landsliðsverkefni. Það eru því 15 þúsund sem eftir standa á iðkanda. Þetta er viðráðanlegt í frjálsíþróttabransanum en auðvitað vildi maður óska að landsliðsfólk þyrfti ekki að borga.“
Birtist í Fréttablaðinu Blak Íþróttir Mest lesið Barnshafandi eftir langt ferli sem tók á andlega Íslenski boltinn Skytturnar tylltu sér á toppinn með stæl Enski boltinn Kári Vagn náði níu pílna leik og stefnir á Ally Pally Sport Ótrúlegur lækningamáttur í dalnum vekur furðu Íslenski boltinn Segir viðbrögð fjölmiðla til skammar Enski boltinn Uppgjör og myndir: Fram - Haukar 23-27 | Gestirnir sterkari undir lokin Handbolti Einar Árni hættur hjá Hetti Körfubolti Dæmd í bann eftir að ljúga til um krabbamein til að sleppa við bann Sport Segir að Ten Hag sé búinn að vera Enski boltinn „Mér fannst ódýrt af Arnari að bera þetta saman“ Íslenski boltinn Fleiri fréttir „Ég hefði bara átt að taka leikhlé“ Segir sitt hlutverk að fá leikmenn til að trúa á verkefnið Fjölnir fyrsta liðið í sextán liða úrslit „Ég er bara mjög spenntur, þeir eru klárlega ‘the team to beat’“ Juventus í bikarúrslit þrátt fyrir tap „Maður hugsar ekki þannig sem þjálfari“ Uppgjör og myndir: Fram - Haukar 23-27 | Gestirnir sterkari undir lokin Skytturnar tylltu sér á toppinn með stæl Ekroth og þrír aðrir í banni í næstu umferð Bestu deildarinnar Íslandsmeistararnir byrja undanúrslitaeinvígið á sigri Teitur Örn öflugur og Flensburg í góðri stöðu Fjórða vika Rocket League deildarinnar í fullum gangi í kvöld Glugginn að lokast – Íslandsmeistari í KFA og Málfríður heim Liverpool aftur á leiðinni til Adidas Skorar tíðast allra en missir enn af leikjum Liverpool Gary Martin til Ólafsvíkur Segir viðbrögð fjölmiðla til skammar Ísland hefði mátt taka 26 leikmenn á EM Milan ætlar að reka Pioli „Ég fékk alla vega mat í dag“ Højlund kvartaði yfir því að Fernandes gæfi ekki nógu oft á sig Heldur tryggð við Aston Villa þrátt fyrir áhuga annarra liða Ótrúlegur lækningamáttur í dalnum vekur furðu Árs bann fyrir árás á eftirlitsmann og þjálfarinn fékk líka bann Kári Vagn náði níu pílna leik og stefnir á Ally Pally „Sýna að þetta sé Chelsea FC en ekki Cole Palmer FC“ Sara best og danskur meistari: Brá þegar þjálfarinn kallaði en fékk mikið hrós „Mér fannst ódýrt af Arnari að bera þetta saman“ Murray kramdi Lakers-hjörtun Fannst Pogba týna sjálfum sér eftir að hann varð heimsmeistari Sjá meira