Tónlist

Föstudagsplaylisti Loja Höskuldssonar

Hjalti Freyr Ragnarsson skrifar
Netheimar eru sagðir loga vegna lagalista Loja.
Netheimar eru sagðir loga vegna lagalista Loja.

Tón- og myndlistarmaðurinn Loji saumaði löðurmannlega saman léttan og laggóðan föstudagslagalista fyrir lýðinn.

Þar má finna allt frá slögurum með Landi og sonum og Backstreet Boys sem Loji og félagar í Björtum sveiflum eiga til að flytja á balli, yfir í módern rafpopp sem svipar til annarrar hljómsveitar Loja, Wesen.

Auk þeirra sveita hefur Loji verið meðlimur Sudden Weather Change, I:B:M, Prins Póló og Tilfinninga vina minna.

Á myndlistarhliðinni saumar Loji mikið út í gamla kaffipoka hversdagsleg og oft nostalgísk verk.

Þar að auki heldur hann úti Instagram-síðu tileinkuðu rannsóknarverkefni sínu á arkitektinum Sigvalda Thordarson.

Á döfinni hjá Loja er lokaball heimildarmyndahátíðarinnar Skjaldborgar á Patreksfirði á sunnudaginn, en þar halda Bjartar sveiflur uppi stuðinu. Nýverið lauk sýningu hans Vorboðinn í setustofu Ásmundarsals.


Tengdar fréttir

Ætlar að mynda hvert einasta hús Sigvalda

Áhugamaður um arkitektinn Sigvalda Thordarson hefur sett sér það markmið að taka myndir af öllum húsum sem hann hefur teiknað. Hann er nú tæplega hálfnaður með verkið, en afrakstrinum deilir hann á Instagram við góðar undirtektir.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.