Sheffield með mikilvægan sigur á Leeds

Sheffield United var rétt í þessu að fara með sigur af hólmi gegn Leeds United í Championship deildinni.

 

Þetta var sannkallaður toppslagur en bæði lið eru að berjast við það að halda í við topplið Norwich sem er á fleygiferð þessa daganna.

 

Þrátt fyrir mikla eftirvæntingu eftir þessum leik þá var fátt um fína drætti, a.m.k. í fyrri hálfleiknum og tókst hvorugu liðinu að skora.

 

Það var ekki fyrr en í seinni hálfleiknum þar sem dróg til tíðinda en réttara sagt á 71. mínútu þegar Chris Basham skoraði fyrir Sheffield United. 

 

Liðsmenn Leeds reyndu allt hvað þeir gátu að jafna metin en allt kom fyrir ekki og sigur Sheffield því staðreynd. Leikmaður Leeds, Francisco Casilla fékk einnig að líta rauða spjaldið í uppbótartíma og verður því í leikbanni næstu leikina.