David Silva verður fyrirliði á sínu síðasta tímabili hjá City

David Silva er nýr fyrirliði Englandsmeistara Manchester City. Pep Guardiola, knattspyrnustjóri City, greindi frá þessu á blaðamannafundi í dag.

El Capitan

#mancitypic.twitter.com/9oZoxZVxUv

— Manchester City (@ManCity) August 9, 2019

Silva verður því með fyrirliðabandið á sínu síðasta tímabili hjá City. Í sumar gaf Spánverjinn það út að tímabilið 2019-20 yrði hans síðasta hjá City. Hann kom til félagsins frá Valencia 2010. Hann hefur fjórum sinnum orðið Englandsmeistari með City og tvisvar sinnum bikarmeistari.

Silva tekur fyrirliðabandinu hjá City af Vincent Kompany sem yfirgaf félagið eftir síðasta tímabil og gerðist spilandi þjálfari hjá Anderlecht.

Fernandinho og Kevin De Bruyne verða varafyrirliðar City í vetur.

PEP@21LVA will be our captain and @fernandinho and @DeBruyneKev second.

He knows the Club, the league and has big respect.

— Manchester City (@ManCity) August 9, 2019

City sækir West Ham United heim í 1. umferð ensku úrvalsdeildarinnar á morgun. Leikurinn hefst klukkan 11:30.