Carragher um jöfnunarmark Arsenal: „VAR eins og það gerist best“

Jamie Carragher, sparkspekingur Sky Sports, segir að VARsjáin hafi skilað sínu í stórleik Man. Utd og Arsenal á Old Trafford í gær.

Pierre-Emerick Aubameyang slapp einn í gegn og jafnaði metin í 2-2 eftir hörmuleg mistök Axel Tuanzebe en aðstoðardómarinn flaggaði rangstöðu.

Kevin Friend beið eftir að VARsjáin myndi kíkja á atvikið aftur og í endursýningu sást að Aubameyang var aldrei rangstæður. Markið var því dæmt gott og gilt.

„Þú sást að dómarinn lét flautuna upp í munninn og það var það sem Solskjær var að kvarta yfir á hliðarlínunni,“ sagði Carragher eftir leikinn við Sky Sports.

VAR at its best!!!!! #MANARS

— Jamie Carragher (@Carra23) September 30, 2019

„Ég er ekki viss um að hann sé í frábærri aðstöðu til að sjá það frá hliðarlínunni. VAR hefur vakið mikið umtal á tímabilinu en þetta var VAR eins og það gerist best. Þess vegna eru þeir með þetta.“