Þrenna Sterlings og öll mörkin úr leikjum gærdagsins | Myndbönd

Raheem Sterling skoraði þrennu á aðeins 13 mínútum þegar Manchester City vann 3-1 sigur á Watford í ensku úrvalsdeildinni í gær. Með sigrinum jók City forskot sitt á toppi deildarinnar í fjögur stig.

Newcastle United vann endurkomusigur á Everton, 3-2. Newcastle var 0-2 undir í hálfleik. Ayoze Pérez skoraði sigurmarkið þegar sex mínútur voru til leiksloka.

Það gengur hvorki né rekur hjá Tottenham sem tapaði 2-1 fyrir Southampton. James Ward-Prowse skoraði sigurmark Dýrlinganna með skoti beint úr aukaspyrnu á 81. mínútu.

Aron Einar Gunnarsson og félagar í Cardiff City unnu afar mikilvægan sigur á West Ham, 2-0.

Leicester City vann sinn fyrsta sigur undir stjórn Brendan Rodgers er liðið sigraði Fulham, 3-1, á heimavelli.

Þá bar Brighton sigurorð af Crystal Palace á Selhurst Park, 1-2, og Bournemouth vann botnlið Huddersfield Town, 0-2.

Mörkin úr leikjum gærdagsins í ensku úrvalsdeildinni má sjá hér fyrir neðan.

Man. City 3-1 Watford

Newcastle 3-2 Everton

Southampton 2-1 Tottenham

Cardiff 2-0 West Ham

Leicester 3-1 Fulham

Crystal Palace 1-2 Brighton

Huddersfield 0-2 Bournemouth