Fanndís og Gunnhildur Yrsa byrjuðu báðar í dramatísku jafntefli í Ástralíu

Fanndís Friðriksdóttir og Gunnhildur Yrsa Jónsdóttir voru báðar í byrjunarliði Adelaide United er liðið gerði jafntefli gegn Melbourne City í áströlsku úrvalsdeildinni.



Adelaide hafði farið vel af stað í deildinni og var með sjö stig eftir þrjá leiki.



Allt virtist stefna í að Melbourne myndi vinna leikinn en þær komust yfir á 54. mínútu leiksins úr vítaspyrnu.



Það var ekki fyrr en á sjöundu mínútu uppbótartíma sem Adelaide jafnaði en það gerði Georgia Campagnale.



Fanndís og Gunnhildur Yrsa voru báðar í byrjunarliðinu en þær hafa byrjað alla leiki Adelaide í vetur.



Fanndís nældi sér í gult spjald í leiknum og var tekin útaf á lokamínútu venjulegs leiktíma.