Messan um Jóhann Berg og Gylfa: „Eru í hæsta klassa“

Jóhann Berg Guðmundsson og Gylfi Þór Sigurðsson halda áfram að gera frábæra hluti í enska boltanum. Það var farið yfir frammistöður þeirra í Messunni í gær.

„Við höfum ekki átt svona tvo áberandi sóknarmenn á sama tíma,” sagði annar spekingurinn, Reynir Leósson, sem segir þá frábæra:

„Við erum ekki að tala í einhverjum miðjuklassa, þeir eru í hæsta klassa.”

„Jói Berg besti maðurinn í Burnley. Gylfi besti maðurinn í Everton og þetta eru lið sem hafa verið að ganga vel; Everton á þessari leiktíð og Burnley að koma til.”

„Þetta eru engir smá gæjar sem við eigum,” bætti Reynir við en alla umræðuna má sjá í spilaranum hér að neðan.