Messi náði ótrúlegu afreki með marki sínu í úrslitunum

Lionel Messi skoraði í kvöld sitt fertugasta mark á tímabilinu þegar hann skoraði annað mark Barcelona í stórsigrinum á Sevilla í úrslitaleik spænsku bikarkeppninnar.

Það að skora 40 eða fleiri mörk á einni leiktíð er afrek sem afar fáir geta státað sig af. Cristiano Ronaldo er með 42 mörk á þessu tímabili og Mohamed Salah 41. Robert Lewandowski er aðeins með 38 og Ciro Immobile 39.

Messi hefur hins vegar náð því magnaða afreki að skora yfir fjörutíu mörk í öllum keppnum níu tímabil í röð. Mest náði hann veturinn 2011-12 þegar hann setti lítil 73 mörk á sama tímabilinu.

Ólíklegt er að hann nái þeim hæðum í vetur þar sem Barcelona er dottið út úr Meistaradeild Evrópu og bikarkeppnin kláraðist í kvöld og því er aðeins deildin heima fyrir eftir, en þar á Barcelona eftir fimm leiki.

Lionel Messi has scored 40 goals across all competitions for nine consecutive seasons:

2009/10: 47

2010/11: 53

2011/12: 73

2012/13: 60

2013/14: 41

2014/15: 58

2015/16: 41

2016/17: 54

2017/18: 40

pic.twitter.com/dvisRg93Ll

— Squawka Football (@Squawka) April 21, 2018