Svissneski vasahnífurinn Ingvi Þór Sæmundsson skrifar 17. desember 2018 09:30 Xherdan Shaqiri. Vísir/Getty Kaupin á Xherdan Shaqiri féllu í skuggann af öðrum sumarkaupum Liverpool. Naby Keïta, Fabinho og Alisson voru allir keyptir á háar fjárhæðir og miklar væntingar voru gerðar til þeirra. Liverpool greiddi hins vegar aðeins 13,5 milljónir punda fyrir Shaqiri sem kom frá Stoke City sem féll úr ensku úrvalsdeildinni. En Shaqiri hefur heldur betur reynst Liverpool dýrmætur, aldrei eins og í leiknum gegn Manchester United á Anfield í gær. Þetta var fyrsti sigur Liverpool á United í ensku úrvalsdeildinni síðan 2014 þegar David Moyes var við stjórnvölinn hjá Manchester-liðinu og Brendan Rodgers stýrði Rauða hernum. Þetta var jafnframt í fyrsta sinn sem Jürgen Klopp stýrir Liverpool til sigurs á United í deildarleik. Liverpool var miklu sterkari aðilinn í leiknum í gær og sóknirnar buldu á marki United. Sadio Mané kom Liverpool yfir á 24. mínútu þegar hann afgreiddi frábæra sendingu Fabinho í netið. Níu mínútum jafnaði Jesse Lingard metin, þvert gegn gangi leiksins, eftir mistök Alisson í marki Liverpool. Staðan var 1-1 í hálfleik. Heimamenn héldu áfram að þjarma að gestunum í seinni hálfleik en náðu ekki að koma boltanum fram hjá David De Gea. Á 70. mínútu gerði Jürgen Klopp, knattspyrnustjóri Liverpool, fyrstu breytinguna á byrjunarliði sínu, tók Keïta af velli og setti Shaqiri inn á.Xherdan Shaqiri skorar fyrra markið sitt.Vísir/GettyAðeins 144 sekúndum síðar fékk Svisslendingurinn boltann hægra megin í vítateig United og lét vaða. Boltinn fór í Ashley Young, slána og inn. Á 80. mínútu gulltryggði Shaqiri sigur Liverpool með sínu öðru marki. Aftur fór boltinn í varnarmann United (Eric Bailly) á leiðinni í markið. Mögnuð innkoma hjá Svisslendingnum smávaxna sem hefur skorað fimm mörk og gefið tvær stoðsendingar á tímabilinu. Shaqiri hefur aðeins sjö sinnum verið í byrjunarliði Liverpool í ensku úrvalsdeildinni og einungis leikið 627 mínútur. En hann hefur nýtt spiltímann sinn með eindæmum vel. Hann er tólfti leikmaðurinn í liði Liverpool, ef svo má segja. Sannkallaður svissneskur vasahnífur sem getur leyst ýmsar stöður. Alltaf tilbúinn og getur breytt gangi leikja með hæfileikum sínum. Þeir hafa aldrei verið dregnir í efa en ferill Shaqiri hefur ekki alltaf verið dans á rósum. Eftir að hafa slegið í gegn með Basel var hann keyptur til Bayern München þar sem hann fékk fá tækifæri, enda í samkeppni við leikmenn á borð við Arjen Robben og Franck Ribéry. Shaqiri var lánaður til Inter áður en hann var seldur til Stoke. Hann gerði lítið fyrstu tvö tímabilin hjá Stoke en á síðasta tímabili skoraði hann átta mörk og gaf sjö stoðsendingar. Það dugði þó skammt því Stoke féll úr ensku úrvalsdeildinni. Núna er Shaqiri kominn í topplið sem stefnir hátt. Liverpool er enn taplaust í ensku úrvalsdeildinni, hefur fengið 45 stig af 51 mögulegu og er með 14 stigum meira en á sama tíma í fyrra. Varnarleikurinn er miklum mun betri en Liverpool hefur aðeins fengið á sig sjö mörk í 17 deildarleikjum og haldið tíu sinnum hreinu. Þessu er öfugt farið hjá United sem hefur fengið á sig 29 mörk, einu meira en allt síðasta tímabil. David De Gea hélt hreinu oftast allra markvarða ensku úrvalsdeildarinnar á síðasta tímabili (19 sinnum) en hann hefur aðeins haldið marki sínu tvisvar sinnum hreinu á þessu tímabili. United er aðeins með 26 stig í 6. sæti deildarinnar og hefur ekki farið jafn illa af stað frá tímabilinu 1990-91. United er 19 stigum á eftir Liverpool en munurinn á þessum liðum hefur aldrei verið jafn mikill eftir 17 umferðir í efstu deild. Í dag er himinn og haf á milli þessara liða. Birtist í Fréttablaðinu Enski boltinn Mest lesið Ráðgátan með dularfulla peningaseðilinn í leik Íslands leyst Handbolti Starfsmaður Chelsea stal 34 milljónum af félaginu Enski boltinn Foden kom City á beinu brautina á ný Enski boltinn Færeyingar í skýjunum: „Sennilega besti leikur sem ég hef spilað“ Handbolti „Eini hópurinn sem hjálpaði mér að vera ég sjálfur“ Körfubolti Dómari gaf sautján rauð spjöld í sama leik Fótbolti 58 ára gömul amma sló plankametið og á nú tvö heimsmet Sport „Mig langar mjög mikið að gráta“ Handbolti „Hún er sá leikmaður sem við hefðum viljað fá í þessi færi“ Handbolti Fannst serbneski línumaðurinn leiðinleg og algjör tuddi Handbolti Fleiri fréttir Ótrúleg endurkoma Sunderland og Igor Thiago hetja Brentford Foden kom City á beinu brautina á ný Palmer klár eftir að hafa tábrotnað heima hjá sér Starfsmaður Chelsea stal 34 milljónum af félaginu Real hafi misst áhugann á slökum Konaté Sjáðu bestu mörkin: Klókur Kanu og eitraður Essien Segir Slot hafa viku til þess að bjarga starfi sínu Fantasýn: Eyjólfur Sverris pakkar fjölskyldunni saman Scholes sakar Slot um virðingarleysi og að hann fái það í bakið núna Slot hefur ekki áhyggjur af því að vera rekinn Lykilmaður Bayern ekki hrifinn af Arsenal þrátt fyrir tapið í gær Van Dijk forðaðist fréttamenn eftir leik Sjáðu Barry vinna fjórtán skallaeinvígi gegn Man. Utd og setja met „Förum ekki fram úr okkur“ Hefur ekki gerst hjá Liverpool síðan 1953 Þurftu að biðjast afsökunar á framkomu áhrifavalds í bikardrætti Fantasýn: Hefði átt að hlusta á fáránlegu rökin sín Rifjuðu upp sögu af formanni KSÍ og slagsmál Dyer og Bowyer Sjáðu bestu vörslur Pickfords gegn United Fannst ferlega erfitt að horfa á Isak: „Gjörsamlega ósýnilegur“ Gueye biðst afsökunar: „Ekkert réttlætir svona hegðun“ Moyes kastaði kveðju á vini sína á Íslandi eftir viðtal við Hjörvar „Salah talar bara þegar hann vantar nýjan samning“ Sjáðu markið, rauða spjaldið og púðurskot United í sögulegum sigri Everton Amorim við Hjörvar: Ég og liðið áttum þetta baul skilið United afþakkaði glórulausa gjöf Gueye Sjáðu æðiskast Gueye sem fékk rautt fyrir að slá liðsfélaga Pep skammast sín og biðst afsökunar Aron spilaði með Woltemade en sá ekki fyrir að hann yrði svona góður Rooney hvetur Slot til að henda Salah á bekkinn Sjá meira
Kaupin á Xherdan Shaqiri féllu í skuggann af öðrum sumarkaupum Liverpool. Naby Keïta, Fabinho og Alisson voru allir keyptir á háar fjárhæðir og miklar væntingar voru gerðar til þeirra. Liverpool greiddi hins vegar aðeins 13,5 milljónir punda fyrir Shaqiri sem kom frá Stoke City sem féll úr ensku úrvalsdeildinni. En Shaqiri hefur heldur betur reynst Liverpool dýrmætur, aldrei eins og í leiknum gegn Manchester United á Anfield í gær. Þetta var fyrsti sigur Liverpool á United í ensku úrvalsdeildinni síðan 2014 þegar David Moyes var við stjórnvölinn hjá Manchester-liðinu og Brendan Rodgers stýrði Rauða hernum. Þetta var jafnframt í fyrsta sinn sem Jürgen Klopp stýrir Liverpool til sigurs á United í deildarleik. Liverpool var miklu sterkari aðilinn í leiknum í gær og sóknirnar buldu á marki United. Sadio Mané kom Liverpool yfir á 24. mínútu þegar hann afgreiddi frábæra sendingu Fabinho í netið. Níu mínútum jafnaði Jesse Lingard metin, þvert gegn gangi leiksins, eftir mistök Alisson í marki Liverpool. Staðan var 1-1 í hálfleik. Heimamenn héldu áfram að þjarma að gestunum í seinni hálfleik en náðu ekki að koma boltanum fram hjá David De Gea. Á 70. mínútu gerði Jürgen Klopp, knattspyrnustjóri Liverpool, fyrstu breytinguna á byrjunarliði sínu, tók Keïta af velli og setti Shaqiri inn á.Xherdan Shaqiri skorar fyrra markið sitt.Vísir/GettyAðeins 144 sekúndum síðar fékk Svisslendingurinn boltann hægra megin í vítateig United og lét vaða. Boltinn fór í Ashley Young, slána og inn. Á 80. mínútu gulltryggði Shaqiri sigur Liverpool með sínu öðru marki. Aftur fór boltinn í varnarmann United (Eric Bailly) á leiðinni í markið. Mögnuð innkoma hjá Svisslendingnum smávaxna sem hefur skorað fimm mörk og gefið tvær stoðsendingar á tímabilinu. Shaqiri hefur aðeins sjö sinnum verið í byrjunarliði Liverpool í ensku úrvalsdeildinni og einungis leikið 627 mínútur. En hann hefur nýtt spiltímann sinn með eindæmum vel. Hann er tólfti leikmaðurinn í liði Liverpool, ef svo má segja. Sannkallaður svissneskur vasahnífur sem getur leyst ýmsar stöður. Alltaf tilbúinn og getur breytt gangi leikja með hæfileikum sínum. Þeir hafa aldrei verið dregnir í efa en ferill Shaqiri hefur ekki alltaf verið dans á rósum. Eftir að hafa slegið í gegn með Basel var hann keyptur til Bayern München þar sem hann fékk fá tækifæri, enda í samkeppni við leikmenn á borð við Arjen Robben og Franck Ribéry. Shaqiri var lánaður til Inter áður en hann var seldur til Stoke. Hann gerði lítið fyrstu tvö tímabilin hjá Stoke en á síðasta tímabili skoraði hann átta mörk og gaf sjö stoðsendingar. Það dugði þó skammt því Stoke féll úr ensku úrvalsdeildinni. Núna er Shaqiri kominn í topplið sem stefnir hátt. Liverpool er enn taplaust í ensku úrvalsdeildinni, hefur fengið 45 stig af 51 mögulegu og er með 14 stigum meira en á sama tíma í fyrra. Varnarleikurinn er miklum mun betri en Liverpool hefur aðeins fengið á sig sjö mörk í 17 deildarleikjum og haldið tíu sinnum hreinu. Þessu er öfugt farið hjá United sem hefur fengið á sig 29 mörk, einu meira en allt síðasta tímabil. David De Gea hélt hreinu oftast allra markvarða ensku úrvalsdeildarinnar á síðasta tímabili (19 sinnum) en hann hefur aðeins haldið marki sínu tvisvar sinnum hreinu á þessu tímabili. United er aðeins með 26 stig í 6. sæti deildarinnar og hefur ekki farið jafn illa af stað frá tímabilinu 1990-91. United er 19 stigum á eftir Liverpool en munurinn á þessum liðum hefur aldrei verið jafn mikill eftir 17 umferðir í efstu deild. Í dag er himinn og haf á milli þessara liða.
Birtist í Fréttablaðinu Enski boltinn Mest lesið Ráðgátan með dularfulla peningaseðilinn í leik Íslands leyst Handbolti Starfsmaður Chelsea stal 34 milljónum af félaginu Enski boltinn Foden kom City á beinu brautina á ný Enski boltinn Færeyingar í skýjunum: „Sennilega besti leikur sem ég hef spilað“ Handbolti „Eini hópurinn sem hjálpaði mér að vera ég sjálfur“ Körfubolti Dómari gaf sautján rauð spjöld í sama leik Fótbolti 58 ára gömul amma sló plankametið og á nú tvö heimsmet Sport „Mig langar mjög mikið að gráta“ Handbolti „Hún er sá leikmaður sem við hefðum viljað fá í þessi færi“ Handbolti Fannst serbneski línumaðurinn leiðinleg og algjör tuddi Handbolti Fleiri fréttir Ótrúleg endurkoma Sunderland og Igor Thiago hetja Brentford Foden kom City á beinu brautina á ný Palmer klár eftir að hafa tábrotnað heima hjá sér Starfsmaður Chelsea stal 34 milljónum af félaginu Real hafi misst áhugann á slökum Konaté Sjáðu bestu mörkin: Klókur Kanu og eitraður Essien Segir Slot hafa viku til þess að bjarga starfi sínu Fantasýn: Eyjólfur Sverris pakkar fjölskyldunni saman Scholes sakar Slot um virðingarleysi og að hann fái það í bakið núna Slot hefur ekki áhyggjur af því að vera rekinn Lykilmaður Bayern ekki hrifinn af Arsenal þrátt fyrir tapið í gær Van Dijk forðaðist fréttamenn eftir leik Sjáðu Barry vinna fjórtán skallaeinvígi gegn Man. Utd og setja met „Förum ekki fram úr okkur“ Hefur ekki gerst hjá Liverpool síðan 1953 Þurftu að biðjast afsökunar á framkomu áhrifavalds í bikardrætti Fantasýn: Hefði átt að hlusta á fáránlegu rökin sín Rifjuðu upp sögu af formanni KSÍ og slagsmál Dyer og Bowyer Sjáðu bestu vörslur Pickfords gegn United Fannst ferlega erfitt að horfa á Isak: „Gjörsamlega ósýnilegur“ Gueye biðst afsökunar: „Ekkert réttlætir svona hegðun“ Moyes kastaði kveðju á vini sína á Íslandi eftir viðtal við Hjörvar „Salah talar bara þegar hann vantar nýjan samning“ Sjáðu markið, rauða spjaldið og púðurskot United í sögulegum sigri Everton Amorim við Hjörvar: Ég og liðið áttum þetta baul skilið United afþakkaði glórulausa gjöf Gueye Sjáðu æðiskast Gueye sem fékk rautt fyrir að slá liðsfélaga Pep skammast sín og biðst afsökunar Aron spilaði með Woltemade en sá ekki fyrir að hann yrði svona góður Rooney hvetur Slot til að henda Salah á bekkinn Sjá meira