Hundur kom markverði til bjargar í argentínska fótboltanum

Hundurinn er oft nefndur besti vinur mannsins og einn markvörður í argentínsku C-deildinni í fótbolta er örugglega sammála því eftir leik helgarinnar.

Juventud Unida vann þá 3-0 sigur á Defensores de Belgrano 3-0 á sunnudaginn í C-deildinni í Argentínu. Mörkin hefðu þó getað verið fleiri í leiknum.

Markvörður Defensores gerði sig sekann um klaufaleg mistök í leiknum og sóknarmaður Juventud Unida fékk kjörið tækifæri til að skora í eitt markið.

Boltinn fór þá aldrei alla leið þökk sé óvæntri innkomu úr stúkunni eins og sjá má hér fyrir neðan.

Ataja mejor que arqueros profesionales jajaja ! #BuenMartespic.twitter.com/pxDX7s4MJl

— Pasión Fútbol (@PasionFutbol860) December 4, 2018

Það má kannski segja að þessi hundur hafi verið markvörður vikunnar í argentínska fótboltanum en hann varði í það minnsta skotið með glæsibrag.

Líklegt er að þarna sé um flækingshund að ræða en hver veit nema að umræddur markvörður ættleiði hann í framhaldi af þessum hetjudáðum.