Rooney tekur landsliðsskóna af hillunni

Wayne Rooney mun taka landsliðsskóna af hillunni og leiða lið Englands í vináttuleik geng Bandaríkjunum um miðjan nóvember.

Rooney lét gott heita með landsliðinu fyrir tveimur árum síðan en hann er markahæsti leikmaður Englands frá upphafi.

Leikurinn mun fara fram á Wembley 15. nóvember og er góðgerðarleikur til styrktar Wayne Rooney Foundation, góðgerðarfélagi Rooney.

Eftir að Rooney hætti með landsliðinu fór hann til uppeldisfélags síns Everton og spilaði þar tímabilið 2017-18. Í sumar fór hann svo til Bandaríkjanna og gekk til liðs við DC United.

Rooney hjálpaði DC United úr botnsæti MLS deildarinnar upp í sæti í úrslitakeppninni.