Kluivert hundfúll með forráðamenn Ajax

Hinn 19 ára gamli leikmaður Ajax, Justin Kluivert, er allt annað en sáttur við sitt félag fyrir að reyna að selja sig til Tottenham.

Fjölmörg félög eru með hinn efnilega Kluivert í sigtinu. Man. Utd er á meðal þeirra félaga. Svo svekktur er Kluivert með Ajax að hann ætlar ekki að skrifa undir nýjan samning við félagið.

„Ég mun ekki endurnýja samninginn. Of mikið hefur gerst. Lélegur mórall, skortur á sjálfstrausti og svo reyndi félagið að selja mig til Tottenham án þess að ég vissi af því. Ég heyrði af því á síðustu mínútu. Það segir ekkert um Ajax en meira um félagið sem stýrir félaginu,“ sagði Kluivert reiður.

„Þetta lið gerir bara það sem það vill. Svo er líka óeðlilegt hvað félagið skiptir ört um þjálfara. Menn fá ekkert tækifæri þarna. Menn eru ekki sáttir.“