Wenger gæti farið í bann

Enska knattspyrnusambandið hefur ákært Arsene Wenger, knattspyrnustjóra Arsenal, fyrir hegðun hans eftir leik Arsenal og West Bromwich Albion á gamlársdag.

Wenger var mjög ósáttur við dómara leiksins, Mike Dean, fyrir að hafa dæmt vítaspyrnu undir lok leiksins sem West Brom jafnaði úr.

Í tilkynningu frá knattspyrnusambandinu segir að orðbragð og/eða hegðun Wenger í dómaraherberginu eftir leikinn hafi verið ofbeldisfull, óviðeigandi og/eða dró heiðarleika dómarans í efa.

Wenger hefur fram á föstudag til þess að svara ákærunni.