Lokaþátturinn: Emmsjé Gauti fór á hliðina á kajak

Rapparinn Emmsjé Gauti hefur verið á fleygiferð um landið ásamt félögum sínum þar sem hann heldur tónleika víða. Gengið hélt 13 tónleika á 13 dögum.

Gauti hefur fest tónleikaferðina á filmu og unnið upp úr efninu myndbandsdagbækur sem hafa verið birtar hér á Vísi.

Á þrettánda og síðasta degi tónleikaferðarinnar fór Gauti og fylgdarlið hans á Rif. 

Þeir skelltu sér saman á kajak og gekk það ekki betur en svo að Emmsjé Gauti fór á hliðina eftir aðeins nokkrar sekúndur í vatninu. Lokatónleikarnir fóru vel eins og sjá má hér að neðan.

„Það eru blendnar tilfinningar að enda túrinn. Þetta var ógeðslega gaman en á sama tíma gott að vera kominn heim,“ segir Gauti og bætir við: „Næst á dagskrá er síðan bara að koma Hagavagninum í gang og klára plötu í næstu viku.“

Hér að neðan má sjá nýtt myndband við lagið Eins og ég sem þeir skutu á ferð sinni um landið.