Gaman í klefanum hjá Diego Maradona | Myndband

Diego Maradona er búinn að koma mexíkanska liðinu sínu Dorados de Sinaloa alla leið í úrslitaeinvígið í Ascenso MX deildinni og kappanum leiðist það ekki.

Dorados de Sinaloa tapaði seinni leiknum í undanúrslitunum með minnsta mun en komst áfram á 2-0 sigri á heimavelli í fyrri leiknum.

Augu fótboltaheimsins eru allt í einu á Dorados de Sinaloa eftir að félagið tók þá viltu ákvörðun að ráða Diego Maradona. Þjálfaraferill Maradona hefur verið langt frá því að vera eins farsæll og leikmannaferillinn en þeir eru hinsvegar svipað litríkir.

Þessi ráðning forystumanna hjá Dorados liðinu er að ganga upp eins og staðan er í dag. Diego Maradona hefur náð að loka vörninni og þrátt fyrir að mörkin séu ekki mörg þá stuðlar góður varnarleikur að sigrarnir koma í hús.

Það er heldur ekki leiðinlegt að hafa Diego Maradona í klefanum þegar vel gengur eins og má sjá á þessu myndbandi hér fyrir neðan þegar Maradona fagnar síðasta sigri liðsins.

ICYMI: Diego Maradona's dressing room celebrations are quite something. pic.twitter.com/LsXStAw7gj

— BBC Sport (@BBCSport) November 27, 2018