Stakk níu ára dreng til bana og montaði sig af því á vefnum

Umfangsmikil leit stendur nú yfir að 19 ára manni sem er sakaður um að hafa stungið níu ára dreng til bana og montað sig af því í myndbandi á myrka vefnum svokallaða. Talsmaður lögreglunnar segir annan notanda vefsins hafa bent lögreglunni á myndbandið og í kjölfarið af því fannst lík drengsins í kjallara í Herne í Þýskalandi.

Samkvæmt BBC segir lögreglan að maðurinn sé mögulega vopnaður og hann hafi lært bardagalistir. Þeir sem sjá hann eru beðnir um að nálgast hann ekki og hringja á lögregluna.

Morðið var framið í gær, en lögreglan hefur ekki sagt til um hvað sést í umræddu myndbandi.