Manchester er miðpunkturinn á ný í baráttunni um titilinn Óskar Ófeigur Jónsson skrifar 11. ágúst 2017 06:00 Knattspyrnustjórar Manchester-liðanna, Jose Mourinho og Pep Guardiola. vísir/getty Manchester hefur eignast fimmtán Englandsmeistara í 25 ára sögu ensku úrvalsdeildarinnar. Miklar líkur eru á því að sextándi meistaratitill borgarinnar bætist í hópinn næsta vor. Það spáðu margir mögnuðu einvígi á milli City og United þegar knattspyrnustjórarnir Pep Guardiola og José Mourinho mættu til borgarinnar fyrir einu ári. Fyrsta tímabil þeirra beggja var aftur á móti vonbrigði. City byrjaði frábærlega með sex sigra í fyrstu sex leikjunum en var síðan komið alla leið niður í fimmta sæti í janúar og var aldrei með fyrir alvöru í meistarabaráttunni eftir það. Manchester United bjargaði tímabilinu með sigri í Evrópudeildinni sem gaf liðinu sæti í Meistaradeildinni á ný en frammistaða liðsins í úrvalsdeildinni voru vonbrigði þar sem liðið endaði í 6. sæti og var 24 stigum á eftir meisturum Chelsea. Nú hafa þessir tveir sigursælu stjórar mótað liðin sín betur að eigin stíl auk þess sem þeir hafa báðir eytt háum upphæðum í spennandi leikmenn. Ekkert lið í deildinni hefur styrkt sig í líkingu við Man. City og United er ekki langt á eftir.Vincent Kompany tók við Englandsbikarnum 2014 en síðan hefur Manchester borg ekki eignast Englandsmeistara.Manchester-borg hefur ekki átt Englandsmeistara í að verða fjögur ár sem er lengsta bið eftir titli í borginni síðan 2003-2007. Takist United og City ekki að vinna í ár verður það í fyrsta sinn í 25 ára sögu ensku úrvalsdeildarinnar sem hvorugt Manchester-liðið vinnur titilinn fjögur tímabil í röð. Talsverðar líkur eru á því að Guardiola takist það sem honum tókst bæði hjá Barcelona á Spáni og Bayern München í Þýskalandi eða að búa til langbesta lið deildarinnar. Það gæti vel farið svo að Manchester City stingi af, liðið hefur bæði stjórann og mannskapinn til þess. Englandsmeistarar Chelsea eiga titil að verja en þetta hefur verið skrýtið sumar á Brúnni og litlir meistarataktar á markaðnum. Liðið er búið að missa fyrirliðann (John Terry), akkerið á miðjunni (Nemanja Matic) og markahæsta leikmanninn (Diego Costa). Það er enginn búinn að gleyma hvernig síðasta titilvörnin gekk hjá Chelsea (José Mourinho rekinn í desember). Reynslan sem er runnin út um dyrnar í sumar boðar ekki gott að mati flestra spekinga. Það býst enginn við Leicester-hruni eins og fyrir ári en það gæti orðið basl á Brúnni.Harry Kan hefur orðið markakóngur deildarinnar undanfarnar tvær leiktíðir.Vísir/GettyHin þrjú liðin inn á topp fimm, Tottenham, Liverpool og Arsenal, hafa átt í vök að verjast í sumar þar sem mikill áhugi hefur verið á bestu leikmönnum liðsins. Philippe Coutinho er enn í Liverpool, Alexis Sánchez er enn í Arsenal og Dele Alli er enn í Tottenham en hve lengi.* Stóru liðin þurfa ekki að selja sína bestu menn og stjórar þessara liða vilja ekki vera í hópi liðanna sem helst ekki á sínum toppmönnum. Ekkert liðanna hefur unnið enska meistaratitilinn í langan tíma en þau hafa hins vegar öll endað í öðru sæti á síðustu fjórum tímabilum. Meistaradeildarsæti virðist þó vera raunhæfara markmið en meistaratitill í vetur. Liverpool hefur verið duglegra en hin tvö að styrkja sig en náði ekki að landa tveimur stórum bitum sem hefðu styrkt varnarleik liðsins mikið. Tottenham er uppfullt af ungum spennandi leikmönnum sem eru enn að bæta sig en hjá Arsenal er stærsta spurningin hvort það verður ofan á hjá stuðningsmönnum félagsins, að pirra sig yfir þrjósku Wengers eða sameinast að baki sínu liði.Gylfi Þór Sigurðsson er á förum frá Swansea.Vísir/GettyGylfa-málið heldur tveimur félögum í hálfgerðri gíslingu en ekkert hefur gengið hjá Everton að ná samkomulagi við Swansea City. Gylfi er helsta ástæðan fyrir því að Swansea hefur bjargað sér frá falli tvö ár í röð og án hans er fall alveg eins líklegt. Everton hefur styrkt sig í sumar og heimkoma Waynes Rooney er spennandi. Bæti þeir íslensku landsliðsstjörnunni í holuna gætu mjög góðir hlutir gerst. Í fyrsta sinn hefst enska úrvalsdeildin á föstudagskvöldi en Arsenal tekur á móti Leicester City klukkan 18.45 í kvöld í beinni á Stöð 2 Sport. Enski boltinn Mest lesið Ólympíumeistarinn þarf að fara í kynjapróf til að fá að keppa Sport Sjáðu frábæra afgreiðslu Sveindísar Jane Fótbolti Féll næstum því í Harvard vegna höfuðverkjanna Fótbolti Mikil öryggisgæsla í París þótt að úrslitaleikurinn fari fram í München Fótbolti Dagskráin: Úrslitaleikur Meistaradeildarinnar á kvöldið Sport Ancelotti: Brasilíska landsliðið mitt mun spila eins og Real Madrid Fótbolti Stelpurnar hennar Betu réðu ekki við heimsmeistarana í lokin Fótbolti „Þakklát fyrir að vera á leið aftur inn í jafn frábært umhverfi“ Körfubolti „Við í rauninni töpum tveimur stigum“ Fótbolti Samstarf HSÍ og Rapyd heyrir sögunni til Handbolti Fleiri fréttir Fyrrum aðstoðarmaður Klopp aðstoðar Guardiola á næsta tímabili Ungu strákarnir björguðu andliti Man United í Hong Kong „Auðveld ákvörðun“ þegar hann heyrði af áhuga Liverpool Enn hærra metboð frá Liverpool Trent með á HM og Liverpool fær væna summu Skrifar undir fimm ára samning við Liverpool Fyrirliði Man. Utd íhugar alvarlega risatilboð frá Sádi-Arabíu Kaupa Delap og eru í viðræðum við Sancho Enginn labbaði meira en verðandi leikmaður Man United Arsenal að sækja miðjumann þó það sárvanti framherja Henry segir að Arsenal hafi ekki staðið undir væntingum United niðurlægt í Malasíu Leita til Liverpool að nýjum kollega Hákonar Stuðningsmenn Chelsea köstuðu glösum og stólum í Póllandi „Án Meistaradeildarinnar þurfum við ekki stóran leikmannahóp“ Forstjóri Liverpool þakkar stuðningsmönnum sem hjálpuðu hver öðrum Niðurbrotinn Klopp í sjokki Man City vilja Reijnders áður en HM félagsliða hefst Settu met í töpum en spila í Meistaradeild Evrópu Wirtz vill bara Liverpool og metupphæð komin á borðið Bein útsending: Englandsmeistaratitlinum fagnað í Liverpool Allt klárt fyrir fyrstu kaup Man. Utd í sumar Lokaumferðin í enska: Newcastle hélt Meistaradeildarsætinu Garnacho ekki í hóp Ætlar að biðja stuðningsmennina afsökunar eftir lokaleikinn Sunderland vann milljónaleikinn og komst upp í úrvalsdeildina Salah bestur og Gravenberch besti ungi Forest bannaði Neville að mæta á völlinn Gæti hætt við að fara til Man Utd eftir tapið gegn Tottenham Klopp snýr aftur á Anfield Sjá meira
Manchester hefur eignast fimmtán Englandsmeistara í 25 ára sögu ensku úrvalsdeildarinnar. Miklar líkur eru á því að sextándi meistaratitill borgarinnar bætist í hópinn næsta vor. Það spáðu margir mögnuðu einvígi á milli City og United þegar knattspyrnustjórarnir Pep Guardiola og José Mourinho mættu til borgarinnar fyrir einu ári. Fyrsta tímabil þeirra beggja var aftur á móti vonbrigði. City byrjaði frábærlega með sex sigra í fyrstu sex leikjunum en var síðan komið alla leið niður í fimmta sæti í janúar og var aldrei með fyrir alvöru í meistarabaráttunni eftir það. Manchester United bjargaði tímabilinu með sigri í Evrópudeildinni sem gaf liðinu sæti í Meistaradeildinni á ný en frammistaða liðsins í úrvalsdeildinni voru vonbrigði þar sem liðið endaði í 6. sæti og var 24 stigum á eftir meisturum Chelsea. Nú hafa þessir tveir sigursælu stjórar mótað liðin sín betur að eigin stíl auk þess sem þeir hafa báðir eytt háum upphæðum í spennandi leikmenn. Ekkert lið í deildinni hefur styrkt sig í líkingu við Man. City og United er ekki langt á eftir.Vincent Kompany tók við Englandsbikarnum 2014 en síðan hefur Manchester borg ekki eignast Englandsmeistara.Manchester-borg hefur ekki átt Englandsmeistara í að verða fjögur ár sem er lengsta bið eftir titli í borginni síðan 2003-2007. Takist United og City ekki að vinna í ár verður það í fyrsta sinn í 25 ára sögu ensku úrvalsdeildarinnar sem hvorugt Manchester-liðið vinnur titilinn fjögur tímabil í röð. Talsverðar líkur eru á því að Guardiola takist það sem honum tókst bæði hjá Barcelona á Spáni og Bayern München í Þýskalandi eða að búa til langbesta lið deildarinnar. Það gæti vel farið svo að Manchester City stingi af, liðið hefur bæði stjórann og mannskapinn til þess. Englandsmeistarar Chelsea eiga titil að verja en þetta hefur verið skrýtið sumar á Brúnni og litlir meistarataktar á markaðnum. Liðið er búið að missa fyrirliðann (John Terry), akkerið á miðjunni (Nemanja Matic) og markahæsta leikmanninn (Diego Costa). Það er enginn búinn að gleyma hvernig síðasta titilvörnin gekk hjá Chelsea (José Mourinho rekinn í desember). Reynslan sem er runnin út um dyrnar í sumar boðar ekki gott að mati flestra spekinga. Það býst enginn við Leicester-hruni eins og fyrir ári en það gæti orðið basl á Brúnni.Harry Kan hefur orðið markakóngur deildarinnar undanfarnar tvær leiktíðir.Vísir/GettyHin þrjú liðin inn á topp fimm, Tottenham, Liverpool og Arsenal, hafa átt í vök að verjast í sumar þar sem mikill áhugi hefur verið á bestu leikmönnum liðsins. Philippe Coutinho er enn í Liverpool, Alexis Sánchez er enn í Arsenal og Dele Alli er enn í Tottenham en hve lengi.* Stóru liðin þurfa ekki að selja sína bestu menn og stjórar þessara liða vilja ekki vera í hópi liðanna sem helst ekki á sínum toppmönnum. Ekkert liðanna hefur unnið enska meistaratitilinn í langan tíma en þau hafa hins vegar öll endað í öðru sæti á síðustu fjórum tímabilum. Meistaradeildarsæti virðist þó vera raunhæfara markmið en meistaratitill í vetur. Liverpool hefur verið duglegra en hin tvö að styrkja sig en náði ekki að landa tveimur stórum bitum sem hefðu styrkt varnarleik liðsins mikið. Tottenham er uppfullt af ungum spennandi leikmönnum sem eru enn að bæta sig en hjá Arsenal er stærsta spurningin hvort það verður ofan á hjá stuðningsmönnum félagsins, að pirra sig yfir þrjósku Wengers eða sameinast að baki sínu liði.Gylfi Þór Sigurðsson er á förum frá Swansea.Vísir/GettyGylfa-málið heldur tveimur félögum í hálfgerðri gíslingu en ekkert hefur gengið hjá Everton að ná samkomulagi við Swansea City. Gylfi er helsta ástæðan fyrir því að Swansea hefur bjargað sér frá falli tvö ár í röð og án hans er fall alveg eins líklegt. Everton hefur styrkt sig í sumar og heimkoma Waynes Rooney er spennandi. Bæti þeir íslensku landsliðsstjörnunni í holuna gætu mjög góðir hlutir gerst. Í fyrsta sinn hefst enska úrvalsdeildin á föstudagskvöldi en Arsenal tekur á móti Leicester City klukkan 18.45 í kvöld í beinni á Stöð 2 Sport.
Enski boltinn Mest lesið Ólympíumeistarinn þarf að fara í kynjapróf til að fá að keppa Sport Sjáðu frábæra afgreiðslu Sveindísar Jane Fótbolti Féll næstum því í Harvard vegna höfuðverkjanna Fótbolti Mikil öryggisgæsla í París þótt að úrslitaleikurinn fari fram í München Fótbolti Dagskráin: Úrslitaleikur Meistaradeildarinnar á kvöldið Sport Ancelotti: Brasilíska landsliðið mitt mun spila eins og Real Madrid Fótbolti Stelpurnar hennar Betu réðu ekki við heimsmeistarana í lokin Fótbolti „Þakklát fyrir að vera á leið aftur inn í jafn frábært umhverfi“ Körfubolti „Við í rauninni töpum tveimur stigum“ Fótbolti Samstarf HSÍ og Rapyd heyrir sögunni til Handbolti Fleiri fréttir Fyrrum aðstoðarmaður Klopp aðstoðar Guardiola á næsta tímabili Ungu strákarnir björguðu andliti Man United í Hong Kong „Auðveld ákvörðun“ þegar hann heyrði af áhuga Liverpool Enn hærra metboð frá Liverpool Trent með á HM og Liverpool fær væna summu Skrifar undir fimm ára samning við Liverpool Fyrirliði Man. Utd íhugar alvarlega risatilboð frá Sádi-Arabíu Kaupa Delap og eru í viðræðum við Sancho Enginn labbaði meira en verðandi leikmaður Man United Arsenal að sækja miðjumann þó það sárvanti framherja Henry segir að Arsenal hafi ekki staðið undir væntingum United niðurlægt í Malasíu Leita til Liverpool að nýjum kollega Hákonar Stuðningsmenn Chelsea köstuðu glösum og stólum í Póllandi „Án Meistaradeildarinnar þurfum við ekki stóran leikmannahóp“ Forstjóri Liverpool þakkar stuðningsmönnum sem hjálpuðu hver öðrum Niðurbrotinn Klopp í sjokki Man City vilja Reijnders áður en HM félagsliða hefst Settu met í töpum en spila í Meistaradeild Evrópu Wirtz vill bara Liverpool og metupphæð komin á borðið Bein útsending: Englandsmeistaratitlinum fagnað í Liverpool Allt klárt fyrir fyrstu kaup Man. Utd í sumar Lokaumferðin í enska: Newcastle hélt Meistaradeildarsætinu Garnacho ekki í hóp Ætlar að biðja stuðningsmennina afsökunar eftir lokaleikinn Sunderland vann milljónaleikinn og komst upp í úrvalsdeildina Salah bestur og Gravenberch besti ungi Forest bannaði Neville að mæta á völlinn Gæti hætt við að fara til Man Utd eftir tapið gegn Tottenham Klopp snýr aftur á Anfield Sjá meira