Ísbjarnarhúnninn Fritz í Berlín er dauður

Starfsmenn dýragarðs í Berlín, Tierpark Berlin, eru í áfalli eftir að fréttir bárust af því að fjögurra mánaða gamall ísbjarnarhúnn í garðinum, Fritz, hafi drepist af völdum sýkingar í lungum.

„Við erum í áfalli, mjög leið og sorgmædd,“ segir dýragarðsstjórinn Andreas Knieriem í yfirlýsingu.

Margir vonuðust til að Fritz myndi fylla það skarð sem Knútur skildi eftir sig, en hann vakti heimsathygli eftir að hann kom í heiminn árið 2006 í hinum stóra dýragarðinum í þýsku höfuðborginni.

Móðir Knúts hafði þá hafnað honum, en Knútur drapst árið 2011.

Sjá má innslag Berliner Morgenpost um Fritz að neðan.

Unser Fritz hat die Nacht nicht überlebt. Unglaublich, wie schnell uns dieser kleine Eisbär ans Herz gewachsen ist. https://t.co/TUUnSJ2cLd pic.twitter.com/SEmNw8qX7v

— Zoo Tierpark Berlin (@zooberlin) March 7, 2017