Fatboy Slim: Smakkaði súrhval síðast Stefán Þór Hjartarson skrifar 9. febrúar 2017 10:00 Fatboy Slim er bæði þekktur fyrir tónlistarferil sinn en líka fyrir að vera einn eftirsóttasti plötusnúður í heiminum. Ofurplötusnúðurinn Fatboy Slim mætir í annað sinn til landsins til þess að spila á Sónar nú um miðjan mánuð. Hann er mikill matmaður og smakkaði meðal annars súrhval í síðustu ferð en væri vel til í að smakka eitthvað villtara í þetta sinn. Við fengum aðeins að ræða við manninn.Hvað er að frétta? Hvað gengur á hjá þér þessa dagana – ertu aðallega á ferðalögum eða ertu að vinna að einhverjum skemmtilegum verkefnum? Getum við átt von á plötu frá þér, jafnvel eitthvað eins og þú varst að pumpa út þarna í kringum 2000? „Jú, ég er í þann mund að gefa út smáskífulagið „Where U iz“. Síðan er ég að vinna að kvikmyndatengdu verkefni, en ég get eiginlega ekki talað um það strax. Annars er það bara sami gamli straumurinn af tónlistarhátíðum og „residency“ á Cream í Amnesia-klúbbnum á Ibiza.“Þú heimsóttir okkur síðast árið 2002 – síðan þá hafa auðvitað liðið mörg ár, þú jafnvel manst ekki einu sinni eftir því lengur. En þau okkar sem muna eftir þeim tónleikum, hverju ættum við að eiga von á? Verður þetta allt glænýtt hjá þér eða muntu dúndra í nostalgíugírinn handa öllum gömlu góðu aðdáendunum? „Hah, auðvitað man ég eftir því! Ég verð nýr og betri maður í þetta sinn, en ég mun líka taka vel valin gullin „throwback“ handa elstu aðdáendunum... þarna verður eitthvað fyrir alla.“Þú ert nú þekktur fyrir ansi veglega tónleika eða það má jafnvel kalla þetta sýningar – verðum við Íslendingar svo heppnir að fá að berja eina slíka augum á Sónarhátíðinni? „Sko, stærð sviðsins sem ég mun spila á leyfir kannski ekki alveg þessi risastóru „show“ sem ég hef verið að henda í á stærstu tónlistarhátíðunum en hins vegar er ég þess fullviss að við munum öll skemmta okkur drulluvel og fara heim með þá tilfinningu að við séum betri manneskjur.“Þú ert ákaflega upptekinn og spilar á aragrúa tónleika – hvað í ósköpunum er það sem heldur þér gangandi í gegnum allt þetta brjálæði? „Ég bara elska þetta starf, ég meina það! Ég elska bæði tónlist og að spila tónlist fyrir fólk sem brosir og dansar. Því skyldi maður ekki elska það? Að fylgjast með ungu fólki kætast og flýja inn í sameiginlega alsælu er minn lykill að eilífri æsku.“Ég las nýlega viðtal við þig þar sem þú nefnir að þú bókir mjög mikið af þínum tónleikaferðalögum í kringum mat, að þú veljir suma staði sérstaklega vegna þess að þú veist þar af góðum veitingastöðum – hefurðu eitthvað kíkt á úrvalið hérna á Íslandi? Eða er það kannski ekki maturinn sem dró þig hingað? „Síðast þegar ég mætti til Íslands borðaði ég bæði lunda og súrhval. Ef einhver getur boðið mér eitthvað villtara en það þá verð ég auðvitað að smakka á því?… en ég verð að segja það að ég kom alls ekki út af matnum, ég kom vegna þess að ég elska bæði Sónarhátíðina og Íslendinga.“Á þeim nótunum – ætlarðu að eyða einhverjum tíma í eða í kringum Reykjavík fyrir eða eftir tónleikana þína? Ef svo er, hvað er það sem þú ætlar að gera af þér? „Ég held að þetta verði frekar einfalt inn og út gigg í þetta sinn, því miður. Einn daginn (þegar börnin mín eru orðin eldri) mun ég hafa tíma til að stoppa í lengri tíma og jafnvel hætta mér lengra en í Bláa lónið!“ Sónarhátíðin fer fram dagana 16.-18. febrúar og mun Fatboy Slim spila á laugardeginum. Sónar Tónlist Mest lesið Ekki lengur smeykur við að deila kastljósinu með Katrínu Lífið Suzuki mun flytja inn í höll Björgólfs Lífið Jón Jónsson selur glæsihús á Seltjarnarnesi Lífið Japaninn sló heimsmet í Hlíðarfjalli Lífið Frumsýning á Vísi: Fyrsta stiklan úr Snertingu Bíó og sjónvarp „Stundum finnst mér ég getað sigrað heiminn“ Lífið Vöknuðu fyrir allar aldir til að gera aðra atlögu Lífið Seldi upp á útgáfutónleika án útgáfu Tónlist Heimafæðing Örnu Ýrar: „Ekki eins hræðilegt og margir halda“ Lífið Björgólfur og Skúli í stuði í Feneyjum Lífið Fleiri fréttir Fögnuðu íslenskri tónlist við fjöruga opnun Seldi upp á útgáfutónleika án útgáfu „Það má segja að þetta sé í raun sorg og uppgjör“ Kom öllum að óvörum með fleiri lögum í nótt Sest við flygilinn og setur íslenska tónlist í nýjan búning Biðst afsökunar á brösuglegum Coachella-flutningi „Eina sem maður getur virkilega bætt í lífinu er maður sjálfur“ „Ég hef aldrei fylgt reglunum“ Uppselt í þriðja sinn á augabragði Íslandsvinurinn Yung Lean setur stefnuna á risatónleika í Hörpu Inga Sæland með sumarsmell í vasanum Fullur tilhlökkunar fyrir nýjum kafla Nick Cave til Íslands Emelíana Lillý úr FNV vann Söngkeppni framhaldsskólanna Tók símtalið á pabba fyrir Herbert Kaleo gefur út sitt fyrsta lag í þrjú ár Víkingur Heiðar á smáskrifborðstónleikum Æðisleg tilfinning að þurfa ekki að geðjast fólki Fögnuðu ekki bara plötunni með Júlí Heiðari heldur lífinu sjálfu „Fór langt fram úr mínum björtustu vonum“ Draumkennd framtíðarvitrun frá heitustu danssveit landsins Átján ára og stefna langt Súperstjörnur landsins fögnuðu með GDRN Hlustendaverðlaunin 2024: Þegar Sveppi og Ásgeir Orri mættu óvænt á sviðið Ítalski píanistinn Maurizio Pollini látinn Hlustendaverðlaunin 2024: Barnakór tók undir með XXX Rottweiler Níu bónorðsbréf til sömu konunnar innblásturinn að nýjustu plötunni Hlustendaverðlaunin 2024: Tónlistaratriðin sem slógu í gegn Myndaveisla: Margt um dýrðir á Hlustendaverðlaunum 2024 Galið að geyma lagið í skúffunni Sjá meira
Ofurplötusnúðurinn Fatboy Slim mætir í annað sinn til landsins til þess að spila á Sónar nú um miðjan mánuð. Hann er mikill matmaður og smakkaði meðal annars súrhval í síðustu ferð en væri vel til í að smakka eitthvað villtara í þetta sinn. Við fengum aðeins að ræða við manninn.Hvað er að frétta? Hvað gengur á hjá þér þessa dagana – ertu aðallega á ferðalögum eða ertu að vinna að einhverjum skemmtilegum verkefnum? Getum við átt von á plötu frá þér, jafnvel eitthvað eins og þú varst að pumpa út þarna í kringum 2000? „Jú, ég er í þann mund að gefa út smáskífulagið „Where U iz“. Síðan er ég að vinna að kvikmyndatengdu verkefni, en ég get eiginlega ekki talað um það strax. Annars er það bara sami gamli straumurinn af tónlistarhátíðum og „residency“ á Cream í Amnesia-klúbbnum á Ibiza.“Þú heimsóttir okkur síðast árið 2002 – síðan þá hafa auðvitað liðið mörg ár, þú jafnvel manst ekki einu sinni eftir því lengur. En þau okkar sem muna eftir þeim tónleikum, hverju ættum við að eiga von á? Verður þetta allt glænýtt hjá þér eða muntu dúndra í nostalgíugírinn handa öllum gömlu góðu aðdáendunum? „Hah, auðvitað man ég eftir því! Ég verð nýr og betri maður í þetta sinn, en ég mun líka taka vel valin gullin „throwback“ handa elstu aðdáendunum... þarna verður eitthvað fyrir alla.“Þú ert nú þekktur fyrir ansi veglega tónleika eða það má jafnvel kalla þetta sýningar – verðum við Íslendingar svo heppnir að fá að berja eina slíka augum á Sónarhátíðinni? „Sko, stærð sviðsins sem ég mun spila á leyfir kannski ekki alveg þessi risastóru „show“ sem ég hef verið að henda í á stærstu tónlistarhátíðunum en hins vegar er ég þess fullviss að við munum öll skemmta okkur drulluvel og fara heim með þá tilfinningu að við séum betri manneskjur.“Þú ert ákaflega upptekinn og spilar á aragrúa tónleika – hvað í ósköpunum er það sem heldur þér gangandi í gegnum allt þetta brjálæði? „Ég bara elska þetta starf, ég meina það! Ég elska bæði tónlist og að spila tónlist fyrir fólk sem brosir og dansar. Því skyldi maður ekki elska það? Að fylgjast með ungu fólki kætast og flýja inn í sameiginlega alsælu er minn lykill að eilífri æsku.“Ég las nýlega viðtal við þig þar sem þú nefnir að þú bókir mjög mikið af þínum tónleikaferðalögum í kringum mat, að þú veljir suma staði sérstaklega vegna þess að þú veist þar af góðum veitingastöðum – hefurðu eitthvað kíkt á úrvalið hérna á Íslandi? Eða er það kannski ekki maturinn sem dró þig hingað? „Síðast þegar ég mætti til Íslands borðaði ég bæði lunda og súrhval. Ef einhver getur boðið mér eitthvað villtara en það þá verð ég auðvitað að smakka á því?… en ég verð að segja það að ég kom alls ekki út af matnum, ég kom vegna þess að ég elska bæði Sónarhátíðina og Íslendinga.“Á þeim nótunum – ætlarðu að eyða einhverjum tíma í eða í kringum Reykjavík fyrir eða eftir tónleikana þína? Ef svo er, hvað er það sem þú ætlar að gera af þér? „Ég held að þetta verði frekar einfalt inn og út gigg í þetta sinn, því miður. Einn daginn (þegar börnin mín eru orðin eldri) mun ég hafa tíma til að stoppa í lengri tíma og jafnvel hætta mér lengra en í Bláa lónið!“ Sónarhátíðin fer fram dagana 16.-18. febrúar og mun Fatboy Slim spila á laugardeginum.
Sónar Tónlist Mest lesið Ekki lengur smeykur við að deila kastljósinu með Katrínu Lífið Suzuki mun flytja inn í höll Björgólfs Lífið Jón Jónsson selur glæsihús á Seltjarnarnesi Lífið Japaninn sló heimsmet í Hlíðarfjalli Lífið Frumsýning á Vísi: Fyrsta stiklan úr Snertingu Bíó og sjónvarp „Stundum finnst mér ég getað sigrað heiminn“ Lífið Vöknuðu fyrir allar aldir til að gera aðra atlögu Lífið Seldi upp á útgáfutónleika án útgáfu Tónlist Heimafæðing Örnu Ýrar: „Ekki eins hræðilegt og margir halda“ Lífið Björgólfur og Skúli í stuði í Feneyjum Lífið Fleiri fréttir Fögnuðu íslenskri tónlist við fjöruga opnun Seldi upp á útgáfutónleika án útgáfu „Það má segja að þetta sé í raun sorg og uppgjör“ Kom öllum að óvörum með fleiri lögum í nótt Sest við flygilinn og setur íslenska tónlist í nýjan búning Biðst afsökunar á brösuglegum Coachella-flutningi „Eina sem maður getur virkilega bætt í lífinu er maður sjálfur“ „Ég hef aldrei fylgt reglunum“ Uppselt í þriðja sinn á augabragði Íslandsvinurinn Yung Lean setur stefnuna á risatónleika í Hörpu Inga Sæland með sumarsmell í vasanum Fullur tilhlökkunar fyrir nýjum kafla Nick Cave til Íslands Emelíana Lillý úr FNV vann Söngkeppni framhaldsskólanna Tók símtalið á pabba fyrir Herbert Kaleo gefur út sitt fyrsta lag í þrjú ár Víkingur Heiðar á smáskrifborðstónleikum Æðisleg tilfinning að þurfa ekki að geðjast fólki Fögnuðu ekki bara plötunni með Júlí Heiðari heldur lífinu sjálfu „Fór langt fram úr mínum björtustu vonum“ Draumkennd framtíðarvitrun frá heitustu danssveit landsins Átján ára og stefna langt Súperstjörnur landsins fögnuðu með GDRN Hlustendaverðlaunin 2024: Þegar Sveppi og Ásgeir Orri mættu óvænt á sviðið Ítalski píanistinn Maurizio Pollini látinn Hlustendaverðlaunin 2024: Barnakór tók undir með XXX Rottweiler Níu bónorðsbréf til sömu konunnar innblásturinn að nýjustu plötunni Hlustendaverðlaunin 2024: Tónlistaratriðin sem slógu í gegn Myndaveisla: Margt um dýrðir á Hlustendaverðlaunum 2024 Galið að geyma lagið í skúffunni Sjá meira