Það var Sigurður Ingi Jóhannsson forsætisráðherra sem bauð Færeyingum aðstoð íslenskra stjórnvalda en Lilja spjallaði við starfsbróður sinn í Færeyjum, Poul Michelsen, símleiðis í dag þar sem hann sagði tjónið að langmestu leyti tryggt.
Eftir samráð við lögmann Færeyja varð niðurstaðan sú að Færeyingar þyrftu ekki á aðstoð að halda en Poul bauð hlýjar kveðjur til Íslands og sagði viðbrögð Íslendinga vera enn eitt dæmið um það trausta samband sem ríkir milli þessara frændþjóða.
Samtökin „Færeyingar og Íslendingar eru frændur“ hafa staðið fyrir söfnun til styrktar Færeyingum og höfðu um þrjár milljónir króna safnast síðast þegar fréttist.
