Oscar fékk hlýjar móttökur í Kína | Myndir

Það var mikið fjölmiðlafár á flugvellinum í Sjanghæ er brasilíski knattspyrnumaðurinn Oscar lenti þar.

Shanghai SIPG keypti leikmanninn af Chelsea á litlar 60 milljónir punda og gerði hann um leið að launahæsta leikmanni heims. Hann hélt þeim titli ekki lengi því Carlos Tevez er einnig á leið til Kína á hærri launin.

Harðkjarnastuðningsmenn Shanghai voru mættir til þess að taka á móti leikmanninum ásamt hafsjó af fjölmiðlamönnum. Var ekki annað að sjá en Oscar kynni vel að meta móttökurnar.

Oscar skrifaði undir fjögurra ára samning við félagið og verður með yfir 70 milljónir króna í vikulaun hjá félaginu. 10 milljónir plús á dag. Það má vinna með það.