Ótrúlega dásamlegt að geta deilt saman ástríðunni fyrir tónlist Gunnar Leó Pálsson skrifar 12. febrúar 2016 11:00 Hljómsveitin Himbrimi fagnar útgáfu plötu sinnar í kvöld. Á myndina vantar þó Egil Rafnsson trommuleikara sveitarinnar. Vísir/Stefán Platan hefur gengið gífurlega vel og fengið frábærar viðtökur og góða dóma bæði hérlendis og á vefmiðlun erlendis. Þetta er búið að vera ótrúlega skemmtilegt ferli og ævintýralegt,“ segir Margrét Rúnarsdóttir, söngkona og annar hljómborðsleikari hljómsveitarinnar Himbrima. Hún segir að gaman hafi verið að fylgjast með þróun laganna sem finna má á plötunni. „Elstu lögin eru orðin þriggja ára gömul og það er búið að vera gaman að fylgjast með þróun laganna, hvernig þau urðu til heima í stofu, bara ég og píanóið, og enduðu svo fullburða með hljómsveitinni Himbrima á plötunni.“ Himbrimi gaf út samnefnda plötu í desember síðastliðnum og fagnar útgáfu hennar í kvöld með veglegum tónleikum í Tjarnarbíói. „Við ákváðum að bíða með útgáfutónleikana þangað til eftir allt jólastúss og janúarlægðina,“ bætir Margrét við. Með henni í hljómsveitinni er meðal annarra gítarleikarinn Birkir Rafn Gíslason en hann er einnig kærasti Margrétar. „Það er ótrúlega dásamlegt að geta deilt saman ástríðu okkar sem er tónlistin og gaman að upplifa allt þetta ævintýri saman. En þetta getur auðvitað verið smá púsluspil þegar maður er orðinn fjölskylda. En við eigum svo marga góða að, yndislegar ömmur og afa sem passa þegar við erum mikið upptekin. En þetta er bara svo mikill partur af okkur og okkar lífi og fyrir mér eru það líka forréttindi að fá að alast upp í tónlistarumhverfi,“ segir Margrét, spurð út í hvernig það sé að vera með kærastanum í hljómsveit. Þau eiga einmitt von á sínu öðru barni saman. „Það er lítil stúlka ,væntanleg í heiminn 22. apríl, og svo eigum við einn yndislegan 4 ára dreng fyrir,“ segir Margrét alsæl. Hún kemur úr músíkalskri fjölskyldu en systir hennar er tónlistarkonan Lára Rúnarsdóttir og faðir þeirra er gítarleikarinn Rúnar Þórisson sem var meðal annars í hljómsveitinni Grafík. Margrét segir sveitina ætla að fylgja plötunni eftir í framhaldinu. „Við ætlum að halda áfram að spila og fylgja plötunni eftir. Það er ýmislegt spennandi í bígerð ennþá. Við verðum vonandi á einhverjum hátíðum í sumar og svo að halda áfram að semja og vinna í nýju efni, veita sköpunarþránni farveg.“ Á tónleikunum í kvöld verður öllu tjaldað til og verða nokkrir aukahljóðfæraleikarar með sveitinni á sviðinu. „Við ætlum að hafa með okkur frábæra tónlistarmenn. Tvo sellóleikara, þau Þórdísi Gerði Jónsdóttur og Hallgrím Jónas Jensson. Einnig verðum við með tvær bakraddir, systur mína Láru Rúnarsdóttur og Gunnhildi Birgisdóttur.“ Tónleikarnir hefjast klukkan 21.00 í Tjarnarbíói í kvöld. Tónlist Mest lesið Af vængjum fram: Búlgörsku mafíunni að mæta yrði Ásdísi dömpað Lífið Matti og tengdó selja 220 milljóna króna einbýlishús Lífið Baltasar og Sunneva afhjúpa kynið Lífið Endurtekið hvött til að hvíla bláa litinn Lífið Forseti Hæstaréttar og Kristján Loftsson í gámapartýi Lífið „Eru endaþarmsmök hættuleg?“ Lífið Gleðitár hjá hundrað konum á Geysi Lífið Óvænt að „gáfumannarapparar“ herji stríð af þessu tagi Lífið Inga Lind selur íbúð við Valshlíð Lífið Fundu föt við hæfi á síðustu stundu fyrir Cannes Bíó og sjónvarp Fleiri fréttir „Þægileg blanda af von og trega“ Kom fram sem stórstjarna „Drull sama hvað einhver apaköttur segir“ Laufey tók lagið hjá Jimmy Fallon „Svo hræðilega óyfirstíganlegt að ég þurfti að rífa plásturinn af“ „Þetta styrkti mig rosalega en þetta braut mig líka“ Gítarleikarinn Duane Eddy er látinn MANOWAR til Íslands í fyrsta sinn „Fer ekki á milli mála að ég er að syngja um stráka“ Fögnuðu íslenskri tónlist við fjöruga opnun Seldi upp á útgáfutónleika án útgáfu „Það má segja að þetta sé í raun sorg og uppgjör“ Kom öllum að óvörum með fleiri lögum í nótt Sest við flygilinn og setur íslenska tónlist í nýjan búning Biðst afsökunar á brösuglegum Coachella-flutningi „Eina sem maður getur virkilega bætt í lífinu er maður sjálfur“ „Ég hef aldrei fylgt reglunum“ Uppselt í þriðja sinn á augabragði Íslandsvinurinn Yung Lean setur stefnuna á risatónleika í Hörpu Inga Sæland með sumarsmell í vasanum Fullur tilhlökkunar fyrir nýjum kafla Nick Cave til Íslands Emelíana Lillý úr FNV vann Söngkeppni framhaldsskólanna Tók símtalið á pabba fyrir Herbert Sjá meira
Platan hefur gengið gífurlega vel og fengið frábærar viðtökur og góða dóma bæði hérlendis og á vefmiðlun erlendis. Þetta er búið að vera ótrúlega skemmtilegt ferli og ævintýralegt,“ segir Margrét Rúnarsdóttir, söngkona og annar hljómborðsleikari hljómsveitarinnar Himbrima. Hún segir að gaman hafi verið að fylgjast með þróun laganna sem finna má á plötunni. „Elstu lögin eru orðin þriggja ára gömul og það er búið að vera gaman að fylgjast með þróun laganna, hvernig þau urðu til heima í stofu, bara ég og píanóið, og enduðu svo fullburða með hljómsveitinni Himbrima á plötunni.“ Himbrimi gaf út samnefnda plötu í desember síðastliðnum og fagnar útgáfu hennar í kvöld með veglegum tónleikum í Tjarnarbíói. „Við ákváðum að bíða með útgáfutónleikana þangað til eftir allt jólastúss og janúarlægðina,“ bætir Margrét við. Með henni í hljómsveitinni er meðal annarra gítarleikarinn Birkir Rafn Gíslason en hann er einnig kærasti Margrétar. „Það er ótrúlega dásamlegt að geta deilt saman ástríðu okkar sem er tónlistin og gaman að upplifa allt þetta ævintýri saman. En þetta getur auðvitað verið smá púsluspil þegar maður er orðinn fjölskylda. En við eigum svo marga góða að, yndislegar ömmur og afa sem passa þegar við erum mikið upptekin. En þetta er bara svo mikill partur af okkur og okkar lífi og fyrir mér eru það líka forréttindi að fá að alast upp í tónlistarumhverfi,“ segir Margrét, spurð út í hvernig það sé að vera með kærastanum í hljómsveit. Þau eiga einmitt von á sínu öðru barni saman. „Það er lítil stúlka ,væntanleg í heiminn 22. apríl, og svo eigum við einn yndislegan 4 ára dreng fyrir,“ segir Margrét alsæl. Hún kemur úr músíkalskri fjölskyldu en systir hennar er tónlistarkonan Lára Rúnarsdóttir og faðir þeirra er gítarleikarinn Rúnar Þórisson sem var meðal annars í hljómsveitinni Grafík. Margrét segir sveitina ætla að fylgja plötunni eftir í framhaldinu. „Við ætlum að halda áfram að spila og fylgja plötunni eftir. Það er ýmislegt spennandi í bígerð ennþá. Við verðum vonandi á einhverjum hátíðum í sumar og svo að halda áfram að semja og vinna í nýju efni, veita sköpunarþránni farveg.“ Á tónleikunum í kvöld verður öllu tjaldað til og verða nokkrir aukahljóðfæraleikarar með sveitinni á sviðinu. „Við ætlum að hafa með okkur frábæra tónlistarmenn. Tvo sellóleikara, þau Þórdísi Gerði Jónsdóttur og Hallgrím Jónas Jensson. Einnig verðum við með tvær bakraddir, systur mína Láru Rúnarsdóttur og Gunnhildi Birgisdóttur.“ Tónleikarnir hefjast klukkan 21.00 í Tjarnarbíói í kvöld.
Tónlist Mest lesið Af vængjum fram: Búlgörsku mafíunni að mæta yrði Ásdísi dömpað Lífið Matti og tengdó selja 220 milljóna króna einbýlishús Lífið Baltasar og Sunneva afhjúpa kynið Lífið Endurtekið hvött til að hvíla bláa litinn Lífið Forseti Hæstaréttar og Kristján Loftsson í gámapartýi Lífið „Eru endaþarmsmök hættuleg?“ Lífið Gleðitár hjá hundrað konum á Geysi Lífið Óvænt að „gáfumannarapparar“ herji stríð af þessu tagi Lífið Inga Lind selur íbúð við Valshlíð Lífið Fundu föt við hæfi á síðustu stundu fyrir Cannes Bíó og sjónvarp Fleiri fréttir „Þægileg blanda af von og trega“ Kom fram sem stórstjarna „Drull sama hvað einhver apaköttur segir“ Laufey tók lagið hjá Jimmy Fallon „Svo hræðilega óyfirstíganlegt að ég þurfti að rífa plásturinn af“ „Þetta styrkti mig rosalega en þetta braut mig líka“ Gítarleikarinn Duane Eddy er látinn MANOWAR til Íslands í fyrsta sinn „Fer ekki á milli mála að ég er að syngja um stráka“ Fögnuðu íslenskri tónlist við fjöruga opnun Seldi upp á útgáfutónleika án útgáfu „Það má segja að þetta sé í raun sorg og uppgjör“ Kom öllum að óvörum með fleiri lögum í nótt Sest við flygilinn og setur íslenska tónlist í nýjan búning Biðst afsökunar á brösuglegum Coachella-flutningi „Eina sem maður getur virkilega bætt í lífinu er maður sjálfur“ „Ég hef aldrei fylgt reglunum“ Uppselt í þriðja sinn á augabragði Íslandsvinurinn Yung Lean setur stefnuna á risatónleika í Hörpu Inga Sæland með sumarsmell í vasanum Fullur tilhlökkunar fyrir nýjum kafla Nick Cave til Íslands Emelíana Lillý úr FNV vann Söngkeppni framhaldsskólanna Tók símtalið á pabba fyrir Herbert Sjá meira