Kominn með eigin klisjur á köflum Gyða Lóa Ólafsdóttir skrifar 21. maí 2016 09:00 Mugison er spenntur fyrir vertíiðinni en hann er komið með eigin litlu leikmynd í Kassanum. Vísir/Stefán Vestfirski tónlistarmaðurinn Örn Elías Guðmundsson sem er af flestum þekktur sem Mugison heldur á vertíð til Reykjavíkur í sumar. Hann fer þó ekki til fiskveiða heldur efnir til tónleikasyrpu í höfuðborginni en hann segir hugmyndina runna undan rifjum systur sinnar. „Hún er búin að vinna lengi í túristabransanum og ég var að væla yfir hvað þetta væri mikil togstreita að vilja að vera að spila alla daga og fara til útlanda og vera frá fjölskyldunni. Þannig að hún sagði við mig: Af hverju spilar þú ekki bara í Reykjavík? Það er allt að fyllast af túristum hérna, spilaðu fyrir þá sem eru að koma hingað og slepptu því að vera að fara út.“ Mugison tók systur sína á orðinu og mun spila í Kassanum í sumar. „Mér finnst alltaf skemmtilegast að spila í leikhússölum. Þá er fólk ekki að drekka eða spjalla mikið. Þá datt mér í hug Kassinn og hafði samband við Þjóðleikhúsið og þau voru til í að dansa með mér,“ útskýrir hann hress og auðheyrt er að hann er spenntur fyrir komandi vikum. Fyrstu tónleikarnir fara fram næsta föstudag en hann er búinn að hlaða í tvö rennsli til þess að vera við öllu búinn og hélt niður í miðbæ til þess að reyna að næla í áhugasama áheyrendur. „Ég lét gera bækling fyrir mig og fór upp á Laugaveg og ætlaði að hössla nokkra túrista inn. Ég fór upp að fólki og sagði þeim að ég væri tónlistarmaður, það var svo fyndið því þetta fólk vissi náttúrulega ekkert hver ég er og það var eiginlega meira hrætt við mig heldur en nokkuð annað, svona eins og ég væri að reyna að hafa eitthvað af því,“ segir hann og skellir upp úr. Hann náði þó að telja nokkra áheyrendur á að koma og hlýða á efniskrána en hana fyllir bæði gamalt efni og nýtt. Síðasta plata tónlistarmannsins, Haglél, kom út árið 2011 og vakti mikla lukku. Mugison er langt kominn með nýja plötu en ekki er alveg víst hvenær hún lítur dagsins ljós. „Maður veit aldrei með þessar plötur, þær eru svo skapandi. Maður getur fílað eitthvað einn daginn og svo er það ógeðslegt daginn eftir. Ég er alltaf að lenda í því einhvern veginn,“ segir hann og segir að bæði megi heyra kveða við kunnuglegan tón í nýja efninu en einnig aðra tóna sem séu ekki eins kunnuglegir. „Mér finnst ég vera kominn með mínar eigin klisjur á köflum sem ég veit ekki hvort er gott eða vont.“ Áhugasamir gætu þó mögulega heyrt eitthvað af nýja efninu á fyrrnefndum tónleikum og miða á þá má nálgast á Mugison.is en athygli er vakin á því að efnisskráin er á ensku. „Ég tók alveg fjögur eða fimm ný lög í þessum prufum um daginn. Það er gaman svona meðan maður er enn að vinna í þeim. Þá finnur maður betur fyrir veikleikunum í lögunum og maður hugsar: Fyrirgefið, ég verð að laga þetta. Ég er ekki alveg búinn með þetta lag,“ segir hann hlæjandi að lokum. Tónlist Mest lesið Öll með aðstöðu til að fagna sigri með stuðningsmönnum Lífið Fögnuðu nýrri þáttaröð af Sporðaköstum Lífið Bjössi í World Class dró risafisk í Kanada Lífið Hönnunarhús Markúsar Mána og Kristínar til sölu Lífið Setja upp söngleiki, leikrit og tónleika í Háskólabíó í sumar Lífið Heitustu trendin fyrir sumarið 2024 Lífið Andri og Erla selja í Seljunum Lífið Hafa ekki sést saman í sjö vikur Lífið „Fengum ekki sjokk, en við fengum sjokk að hann væri með hjartagalla“ Lífið Myndaveisla: Sællegar skvísur í sumarfíling Lífið Fleiri fréttir Segir skásta staðinn í bænum í kirkjugarðinum Iceland Airwaves kynnir 22 ný bönd til leiks „Þægileg blanda af von og trega“ Kom fram sem stórstjarna „Drull sama hvað einhver apaköttur segir“ Laufey tók lagið hjá Jimmy Fallon „Svo hræðilega óyfirstíganlegt að ég þurfti að rífa plásturinn af“ „Þetta styrkti mig rosalega en þetta braut mig líka“ Gítarleikarinn Duane Eddy er látinn MANOWAR til Íslands í fyrsta sinn „Fer ekki á milli mála að ég er að syngja um stráka“ Fögnuðu íslenskri tónlist við fjöruga opnun Seldi upp á útgáfutónleika án útgáfu „Það má segja að þetta sé í raun sorg og uppgjör“ Kom öllum að óvörum með fleiri lögum í nótt Sest við flygilinn og setur íslenska tónlist í nýjan búning Biðst afsökunar á brösuglegum Coachella-flutningi „Eina sem maður getur virkilega bætt í lífinu er maður sjálfur“ „Ég hef aldrei fylgt reglunum“ Uppselt í þriðja sinn á augabragði Íslandsvinurinn Yung Lean setur stefnuna á risatónleika í Hörpu Inga Sæland með sumarsmell í vasanum Fullur tilhlökkunar fyrir nýjum kafla Nick Cave til Íslands Emelíana Lillý úr FNV vann Söngkeppni framhaldsskólanna Tók símtalið á pabba fyrir Herbert Sjá meira
Vestfirski tónlistarmaðurinn Örn Elías Guðmundsson sem er af flestum þekktur sem Mugison heldur á vertíð til Reykjavíkur í sumar. Hann fer þó ekki til fiskveiða heldur efnir til tónleikasyrpu í höfuðborginni en hann segir hugmyndina runna undan rifjum systur sinnar. „Hún er búin að vinna lengi í túristabransanum og ég var að væla yfir hvað þetta væri mikil togstreita að vilja að vera að spila alla daga og fara til útlanda og vera frá fjölskyldunni. Þannig að hún sagði við mig: Af hverju spilar þú ekki bara í Reykjavík? Það er allt að fyllast af túristum hérna, spilaðu fyrir þá sem eru að koma hingað og slepptu því að vera að fara út.“ Mugison tók systur sína á orðinu og mun spila í Kassanum í sumar. „Mér finnst alltaf skemmtilegast að spila í leikhússölum. Þá er fólk ekki að drekka eða spjalla mikið. Þá datt mér í hug Kassinn og hafði samband við Þjóðleikhúsið og þau voru til í að dansa með mér,“ útskýrir hann hress og auðheyrt er að hann er spenntur fyrir komandi vikum. Fyrstu tónleikarnir fara fram næsta föstudag en hann er búinn að hlaða í tvö rennsli til þess að vera við öllu búinn og hélt niður í miðbæ til þess að reyna að næla í áhugasama áheyrendur. „Ég lét gera bækling fyrir mig og fór upp á Laugaveg og ætlaði að hössla nokkra túrista inn. Ég fór upp að fólki og sagði þeim að ég væri tónlistarmaður, það var svo fyndið því þetta fólk vissi náttúrulega ekkert hver ég er og það var eiginlega meira hrætt við mig heldur en nokkuð annað, svona eins og ég væri að reyna að hafa eitthvað af því,“ segir hann og skellir upp úr. Hann náði þó að telja nokkra áheyrendur á að koma og hlýða á efniskrána en hana fyllir bæði gamalt efni og nýtt. Síðasta plata tónlistarmannsins, Haglél, kom út árið 2011 og vakti mikla lukku. Mugison er langt kominn með nýja plötu en ekki er alveg víst hvenær hún lítur dagsins ljós. „Maður veit aldrei með þessar plötur, þær eru svo skapandi. Maður getur fílað eitthvað einn daginn og svo er það ógeðslegt daginn eftir. Ég er alltaf að lenda í því einhvern veginn,“ segir hann og segir að bæði megi heyra kveða við kunnuglegan tón í nýja efninu en einnig aðra tóna sem séu ekki eins kunnuglegir. „Mér finnst ég vera kominn með mínar eigin klisjur á köflum sem ég veit ekki hvort er gott eða vont.“ Áhugasamir gætu þó mögulega heyrt eitthvað af nýja efninu á fyrrnefndum tónleikum og miða á þá má nálgast á Mugison.is en athygli er vakin á því að efnisskráin er á ensku. „Ég tók alveg fjögur eða fimm ný lög í þessum prufum um daginn. Það er gaman svona meðan maður er enn að vinna í þeim. Þá finnur maður betur fyrir veikleikunum í lögunum og maður hugsar: Fyrirgefið, ég verð að laga þetta. Ég er ekki alveg búinn með þetta lag,“ segir hann hlæjandi að lokum.
Tónlist Mest lesið Öll með aðstöðu til að fagna sigri með stuðningsmönnum Lífið Fögnuðu nýrri þáttaröð af Sporðaköstum Lífið Bjössi í World Class dró risafisk í Kanada Lífið Hönnunarhús Markúsar Mána og Kristínar til sölu Lífið Setja upp söngleiki, leikrit og tónleika í Háskólabíó í sumar Lífið Heitustu trendin fyrir sumarið 2024 Lífið Andri og Erla selja í Seljunum Lífið Hafa ekki sést saman í sjö vikur Lífið „Fengum ekki sjokk, en við fengum sjokk að hann væri með hjartagalla“ Lífið Myndaveisla: Sællegar skvísur í sumarfíling Lífið Fleiri fréttir Segir skásta staðinn í bænum í kirkjugarðinum Iceland Airwaves kynnir 22 ný bönd til leiks „Þægileg blanda af von og trega“ Kom fram sem stórstjarna „Drull sama hvað einhver apaköttur segir“ Laufey tók lagið hjá Jimmy Fallon „Svo hræðilega óyfirstíganlegt að ég þurfti að rífa plásturinn af“ „Þetta styrkti mig rosalega en þetta braut mig líka“ Gítarleikarinn Duane Eddy er látinn MANOWAR til Íslands í fyrsta sinn „Fer ekki á milli mála að ég er að syngja um stráka“ Fögnuðu íslenskri tónlist við fjöruga opnun Seldi upp á útgáfutónleika án útgáfu „Það má segja að þetta sé í raun sorg og uppgjör“ Kom öllum að óvörum með fleiri lögum í nótt Sest við flygilinn og setur íslenska tónlist í nýjan búning Biðst afsökunar á brösuglegum Coachella-flutningi „Eina sem maður getur virkilega bætt í lífinu er maður sjálfur“ „Ég hef aldrei fylgt reglunum“ Uppselt í þriðja sinn á augabragði Íslandsvinurinn Yung Lean setur stefnuna á risatónleika í Hörpu Inga Sæland með sumarsmell í vasanum Fullur tilhlökkunar fyrir nýjum kafla Nick Cave til Íslands Emelíana Lillý úr FNV vann Söngkeppni framhaldsskólanna Tók símtalið á pabba fyrir Herbert Sjá meira