Manchester City er eina enska liðið sem verður í pottinum þegar dregið verður til átta liða úrslita Meistaradeildar Evrópu í fótbolta.
City-menn komust auðveldlega í gegnum einvígi sitt við Dynamo Kiev en Arsenal féll úr leik í kvöld eftir samanlagt 5-1 tap gegn Barcelona og Chelsea kvaddi í síðustu viku eftir tap gegn Paris Saint-Germain.
Manchester United var fjórða enska liðið í Meistaradeildinni í ár en það komst ekki upp úr riðlakeppninni og er mögulega á leið úr Evrópudeildinni annað kvöld.
Ensk lið hafa munað sinn fífil fegurri í Meistaradeildinni en fótboltatölfræðisíðan Squawka bendir á áhugaverða staðreynd á Twitter-síðu sinni í kvöld.
Frá 2007-2011 komust 16 ensk lið í átta liða úrslit Meistaradeildarinnar en frá 2012-2016 hafa aðeins verið fjögur ensk lið á því stigi keppninnar. Síðast vann enskt lið Meistaradeildina árið 2012 en það gerði Chelsea.
Spánverjar eiga flest lið í átta liða úrslitum í ár eða þrjú talsins. Þjóðverjar koma næstir með tvö lið.
Liðin sem eru komin áfram:
Barcelona, Spáni
Real Madrid, Spáni
Atlético, Spáni
Bayern, Þýskalandi
Wolfsburg, Þýskalandi
Paris Saint-Germain, Frakklandi
Benfica, Portúgal
Manchester City, Englandi
Eitt enskt lið í átta liða úrslit | Þessi lið komust áfram
Tengdar fréttir
City gerði það sem þurfti og komst í átta liða úrslit í fyrsta sinn
Manchester City gerði markalaust jafntefli við Dynamo Kiev í seinni leik liðanna í 16 liða úrslitum Meistaradeildarinnar.
Zlatan afgreiddi Chelsea | Sjáðu mörkin
PSG er komið í átta liða úrslit Meistaradeildar Evrópu eftir 1-2 sigur á Chelsea á Stamford Bridge í kvöld. Zlatan Ibrahimovic stal senunni í leiknum.
MSN-tríóið komst allt á blað og Arsenal úr leik | Sjáðu mörkin
Arsenal féll úr leik í 16 liða úrslitum Meistaradeildarinnar sjötta árið í röð.
