Stærsti fíkniefnafundur í sögu Danmerkur

Lögregla í Danmörku lagði í júlí hald á kókaín að verðmæti um 900 milljóna danskra króna, eða um 17 milljarða króna, í gámi í Esbjerg á vesturströnd Jótlands í júlí síðastliðnum. Sex manns hafa verið handteknir vegna málsins.

Lögreglan á Suðaustur-Jótlandi greinir frá því í fréttatilkynningu í dag að 310 kíló af hreinu kókaíni hafi fundist í gámi á lóð fyrirtækis í Esbjerg. Hægt sé að blanda efninu þannig að úr verði 1.200 kíló af kókaíni, en götuvirði slíks magns er talið vera um 17 milljarðar króna.

Ljóst er að um stærsta fíkniefnafund í sögu landsins er að ræða.

Sex manns frá Hollandi og Belgíu eru nú í haldi lögreglu vegna málsins og hefur einn verið framseldur til Danmerkur. Húsleit hefur verið gerð á nokkrum stöðum.

Politiet beslaglagde for 900 millioner kroner kokain i Esbjerg.

Posted by DR Nyheder on Tuesday, 19 January 2016