Stjórnmálaflokkurinn Viðreisn verður stofnaður í dag á fundi í Hörpu. Á fundinum, sem hefst klukkan fimm, stendur til að kjósa í stjórn flokksins og samþykkja stefnuyfirlýsingu.



Stofnun Viðreisnar hefur verið í burðarliðnum um nokkurt skeið en fylgi við flokkinn mældist í fyrsta sinn yfir tveimur prósentum í Þjóðarpúlsi Gallúp í apríl síðastliðnum.



Flokknum er lýst sem frjálslyndu stjórnmálaafli og mun hann í næstu kosningum bjóða fram undir listabókstafnum C.