Knattspyrnumarkvörðurinn Abel Dhaira var jarðsettur í Úganda í dag.
Abel lést á Landspítalanum þann 27. mars síðastliðin eftir baráttu við krabbamein.
Heimir Hallgrímsson, landsliðsþjálfari og fyrrum þjálfari ÍBV, var við útförina eins og sjá má á heimasíðu Knattspyrnusambands Úganda. Heimir fékk Abel til Íslands á sínum tíma.
Útförin var falleg og mættu mörg hundruð manns á hana. Þar á meðal Tonny Mawejje sem lék með Abel hjá ÍBV.
