Ole Gunnar söng "What Does The Fox Say?" fyrir Aron Einar og félaga

Ole Gunnar Solskjær notaði óvenjulega aðferð til sannfæra leikmenn sína um að vera óhræddir við að gera mistök þegar hann stýrði Aroni Einari Gunnarssyni og félögum hjá Cardiff City.

Ole Gunnar Solskjær segir frá þessu í nýju viðtali við FourFourTwo tímaritið en þar fer hann yfir allan ferilinn sinn. Solskjaer er nú kominn aftur heim til Molde og er að undirbúa liðið fyrir komandi tímabil þar sem hann teflir fram íslenska landsliðsmanninum Eið Smára Guðjohnsen í fyrsta sinn.

Það gekk ekki vel hjá Cardiff City þegar Ole Gunnar Solskjær sat í stjórastólnum árið 2014. Liðið vann bara 9 af 30 leikjum og féll út ensku úrvalsdeildinni. Hann reyndi samt sérstaka aðferð til að kveikja í sínum leikmönnum.

„Í Cardiff söng ég "What Does The Fox Say?" fyrir framan allt liðið. Þetta var vinsælt lag í Noregi á þessum tíma. Ég veit að það skrítið að knattspyrnustjóri taki upp á svona löguðu," sagði Ole Gunnar Solskjær í viðtalinu við FourFourTwo.

„Ég fór sjálfur að hlæja en var að reyna að sannfæra leikmennina um að vera ekki hræddir við að gera mistök. Það leit stundum út fyrir að þeir sjálfir töldu sig ekki nógu góða fyrir ensku úrvalsdeildina," sagði Solskjær.

Þetta útspil Solskjær virðist þó ekki hafa gengið upp því honum mistókst að halda liðinu í ensku úrvalsdeildinni. Cardiff féll um vorið 2014 og hefur ekki spilað í efstu deild síðan.

Ole Gunnar Solskjær var rekinn frá Cardiff 18. september 2014 eftir að liðið byrjaði tímabilið illa í ensku B-deildinni. Hann kom til liðsins frá Mold og rúmur ári síðar gerðist hann aftur þjálfari Molde.

Fyrir forvitna þá má sjá myndbandið við lagið "What Does The Fox Say?" hér fyrir neðan.