Skytturnar áfram þrátt fyrir vandræðagang gegn Burnley

Arsenal vann 2-1 sigur á Burnley á heimavelli í 32-liða úrslitum FA bikarsins í dag en Alexis Sanchez skoraði sigurmark Arsenal.

Callum Chambers kom Arsenal yfir á 19. mínútu með glæsilegu skoti en Sam Vokes jafnaði fyrir Burnley tíu mínútum síðar með góðum skalla.

Sanchez kom Arsenal aftur yfir með skoti af stuttu færi eftir fyrirgjöf Alex Oxlade-Chamberlain en Arsenal fékk færin til þess að bæta við mörkum.

Fékk Theo Walcott besta færið í uppbótartíma þegar hann slapp í gegn en stuðningsmenn Arsenal gátu loksins andað léttar þegar leikurinn var flautaður af.

Vokes jafnar metin fyrir Burnley: Alexis Sanchez kemur Arsenal aftur yfir: