Biður Múm afsökunar Gunnar Leó Pálsson skrifar 1. febrúar 2015 09:30 Tónlistarmaðurinn Kindness kemur til landsins í fyrsta sinn í febrúar til að koma fram á Sónar Reykjavík. Vísir/Getty Breski tónlistarmaðurinn Adam Bainbridge gefur út tónlist undir listamannsnafninu Kindness en hann er á leið til landsins til þess að koma fram á Sónar Reykjavík innan skamms. „Þetta er í fyrsta sinn sem ég kem til Íslands og ég er mjög spenntur. Ísland er svo langt í burtu og þegar maður kemur fram svona langt í burtu að heiman þá líður manni eins og maður hafi náð langt,“ segir Adam um komu sína til landsins. Hann veit þó ýmislegt um Ísland og hlustar á Björk. Adam rifjar upp kynni sín af íslensku hljómsveitinni Múm. „Ég var eitt sinn að heimsækja félaga minn í íbúðina hans í Berlín en hljómsveitin Múm hafði verið í sömu íbúð og var búnaður hennar geymdur í íbúðinni. Ég fór að skoða búnaðinn og fékk að stelast í trommuheila sem þau áttu. Ég fór að fikta í trommuheilanum og mig minnir að ég hafi óvart eytt sampli út af honum. Mig langar bara að biðja Múm afsökunar ef ég hef ég eytt sampli út af trommuheilanum þeirra,“ útskýrir Adam léttur í lundu. Kindness gaf út sína fyrstu breiðskífu árið 2012, World, You Need a Change of Mind, en hvað var hann að bralla fyrir sína fyrstu útgáfu? „Ætli ég hafi ekki bara verið að búa til vandræði í Berlín. Ég ferðaðist mikið og fór svo að semja tónlist. Stundum veit fólk að það verður tónlistarmenn í framtíðinni en stundum verður fólk tónlistarmenn af slysni og það má segja að ég hafi orðið tónlistarmaður af slysni,“ segir Adam. Hann segir þó að hæfni sín í að leika á hljóðfæri sé misjöfn. „Ég spila á mörg á hljóðfæri en spila bara ekki vel á þau,“ segir Adam og hlær. Hann bætir þó við að bassinn sé hans skásta hljóðfæri. „Ég elska bassann, því ég er minnst slappur að spila á hann.“ Á síðasta ári kom út platan Otherness frá Kindness og fékk hún lof margra gagnrýnenda. Adam lýsir tónlistinni sinni sem blöndu af fönktónlist, R&B og popptónlist. Hans helstu áhrifavaldar í tónlist eru Prince, Timbaland, Missy Elliot, Daft Punk, Stevie Wonder og margir fleiri. „Ég hlusta á allt frá gamalli klassík yfir í nýtt popp.“Kindness og hljómsveit hans eru þekkt fyrir hressa og skrautlega sviðsframkomu.Vísir/GettyHann vill meina að fólk í dag sé að verða of óþolinmótt eftir nýju efni frá tónlistarmönnum. „Fólk á að mínu mati að bíða lengur eftir nýrri tónlist. Þessi nýja hefð, að hlusta á plötu í viku og biðja svo um nýja plötu eftir viku hlustun, er ekki sniðug. Tónlistarmenn leggja að jafnaði mjög mikla vinnu í plöturnar sínar og það tekur sinn tíma. Þetta er eins og að lesa verk eftir Shakespeare og spyrja hann svo strax eftir lesturinn: „Ertu byrjaður á nýju verki?“,“ útskýrir Adam. Hann semur grunninn að lögunum sínum sjálfur en nýtur svo aðstoðar fleiri tónlistarmanna þegar líður á ferlið. Hann er einmitt með heila hljómsveit á bak við sig á tónleikum og tekur hana með sér á Sónar. Þau hafa vakið athygli fyrir hressandi og skrautlega sviðsframkomu. „Já, auðvitað verð ég með hljómsveitina mína með mér. Ég spila ekki án hennar.“ Kindness er á leið í tónleikaferðalag í kjölfar Sónar. „Við byrjum tónleikaferðalagið á Sónar í Stokkhólmi og svo á Sónar í Reykjavík. Við förum svo til Bandaríkjanna í mánaðarlangt tónleikaferðalag sem hefst í New York,“ segir Adam.Kindness kemur fram á Sónar Reykjavík laugardagskvöldið 14. febrúar. Sónar Tónlist Mest lesið Fann fíkniefnin strax Lífið Falleg tónlist GDRN hljómaði ekki nógu vel Gagnrýni Inga Lind selur íbúð við Valshlíð Lífið Fleiri sniðgengu en ekki Lífið Magnús Scheving og Hrefna glæsileg á opnun Sjálands Lífið Jón og Hafdís festu kaup á einbýli með bátaskýli Lífið Nóbelsverðlaunahafinn Alice Munro er látin Menning Fá í fyrsta sinn að klæðast strigaskóm Tíska og hönnun Von á ákæru eftir spennuþrungna daga í Malmö Lífið Þátttaka Ísraela hafi skemmt mikið Lífið Fleiri fréttir „Þægileg blanda af von og trega“ Kom fram sem stórstjarna „Drull sama hvað einhver apaköttur segir“ Laufey tók lagið hjá Jimmy Fallon „Svo hræðilega óyfirstíganlegt að ég þurfti að rífa plásturinn af“ „Þetta styrkti mig rosalega en þetta braut mig líka“ Gítarleikarinn Duane Eddy er látinn MANOWAR til Íslands í fyrsta sinn „Fer ekki á milli mála að ég er að syngja um stráka“ Fögnuðu íslenskri tónlist við fjöruga opnun Seldi upp á útgáfutónleika án útgáfu „Það má segja að þetta sé í raun sorg og uppgjör“ Kom öllum að óvörum með fleiri lögum í nótt Sest við flygilinn og setur íslenska tónlist í nýjan búning Biðst afsökunar á brösuglegum Coachella-flutningi „Eina sem maður getur virkilega bætt í lífinu er maður sjálfur“ „Ég hef aldrei fylgt reglunum“ Uppselt í þriðja sinn á augabragði Íslandsvinurinn Yung Lean setur stefnuna á risatónleika í Hörpu Inga Sæland með sumarsmell í vasanum Fullur tilhlökkunar fyrir nýjum kafla Nick Cave til Íslands Emelíana Lillý úr FNV vann Söngkeppni framhaldsskólanna Tók símtalið á pabba fyrir Herbert Sjá meira
Breski tónlistarmaðurinn Adam Bainbridge gefur út tónlist undir listamannsnafninu Kindness en hann er á leið til landsins til þess að koma fram á Sónar Reykjavík innan skamms. „Þetta er í fyrsta sinn sem ég kem til Íslands og ég er mjög spenntur. Ísland er svo langt í burtu og þegar maður kemur fram svona langt í burtu að heiman þá líður manni eins og maður hafi náð langt,“ segir Adam um komu sína til landsins. Hann veit þó ýmislegt um Ísland og hlustar á Björk. Adam rifjar upp kynni sín af íslensku hljómsveitinni Múm. „Ég var eitt sinn að heimsækja félaga minn í íbúðina hans í Berlín en hljómsveitin Múm hafði verið í sömu íbúð og var búnaður hennar geymdur í íbúðinni. Ég fór að skoða búnaðinn og fékk að stelast í trommuheila sem þau áttu. Ég fór að fikta í trommuheilanum og mig minnir að ég hafi óvart eytt sampli út af honum. Mig langar bara að biðja Múm afsökunar ef ég hef ég eytt sampli út af trommuheilanum þeirra,“ útskýrir Adam léttur í lundu. Kindness gaf út sína fyrstu breiðskífu árið 2012, World, You Need a Change of Mind, en hvað var hann að bralla fyrir sína fyrstu útgáfu? „Ætli ég hafi ekki bara verið að búa til vandræði í Berlín. Ég ferðaðist mikið og fór svo að semja tónlist. Stundum veit fólk að það verður tónlistarmenn í framtíðinni en stundum verður fólk tónlistarmenn af slysni og það má segja að ég hafi orðið tónlistarmaður af slysni,“ segir Adam. Hann segir þó að hæfni sín í að leika á hljóðfæri sé misjöfn. „Ég spila á mörg á hljóðfæri en spila bara ekki vel á þau,“ segir Adam og hlær. Hann bætir þó við að bassinn sé hans skásta hljóðfæri. „Ég elska bassann, því ég er minnst slappur að spila á hann.“ Á síðasta ári kom út platan Otherness frá Kindness og fékk hún lof margra gagnrýnenda. Adam lýsir tónlistinni sinni sem blöndu af fönktónlist, R&B og popptónlist. Hans helstu áhrifavaldar í tónlist eru Prince, Timbaland, Missy Elliot, Daft Punk, Stevie Wonder og margir fleiri. „Ég hlusta á allt frá gamalli klassík yfir í nýtt popp.“Kindness og hljómsveit hans eru þekkt fyrir hressa og skrautlega sviðsframkomu.Vísir/GettyHann vill meina að fólk í dag sé að verða of óþolinmótt eftir nýju efni frá tónlistarmönnum. „Fólk á að mínu mati að bíða lengur eftir nýrri tónlist. Þessi nýja hefð, að hlusta á plötu í viku og biðja svo um nýja plötu eftir viku hlustun, er ekki sniðug. Tónlistarmenn leggja að jafnaði mjög mikla vinnu í plöturnar sínar og það tekur sinn tíma. Þetta er eins og að lesa verk eftir Shakespeare og spyrja hann svo strax eftir lesturinn: „Ertu byrjaður á nýju verki?“,“ útskýrir Adam. Hann semur grunninn að lögunum sínum sjálfur en nýtur svo aðstoðar fleiri tónlistarmanna þegar líður á ferlið. Hann er einmitt með heila hljómsveit á bak við sig á tónleikum og tekur hana með sér á Sónar. Þau hafa vakið athygli fyrir hressandi og skrautlega sviðsframkomu. „Já, auðvitað verð ég með hljómsveitina mína með mér. Ég spila ekki án hennar.“ Kindness er á leið í tónleikaferðalag í kjölfar Sónar. „Við byrjum tónleikaferðalagið á Sónar í Stokkhólmi og svo á Sónar í Reykjavík. Við förum svo til Bandaríkjanna í mánaðarlangt tónleikaferðalag sem hefst í New York,“ segir Adam.Kindness kemur fram á Sónar Reykjavík laugardagskvöldið 14. febrúar.
Sónar Tónlist Mest lesið Fann fíkniefnin strax Lífið Falleg tónlist GDRN hljómaði ekki nógu vel Gagnrýni Inga Lind selur íbúð við Valshlíð Lífið Fleiri sniðgengu en ekki Lífið Magnús Scheving og Hrefna glæsileg á opnun Sjálands Lífið Jón og Hafdís festu kaup á einbýli með bátaskýli Lífið Nóbelsverðlaunahafinn Alice Munro er látin Menning Fá í fyrsta sinn að klæðast strigaskóm Tíska og hönnun Von á ákæru eftir spennuþrungna daga í Malmö Lífið Þátttaka Ísraela hafi skemmt mikið Lífið Fleiri fréttir „Þægileg blanda af von og trega“ Kom fram sem stórstjarna „Drull sama hvað einhver apaköttur segir“ Laufey tók lagið hjá Jimmy Fallon „Svo hræðilega óyfirstíganlegt að ég þurfti að rífa plásturinn af“ „Þetta styrkti mig rosalega en þetta braut mig líka“ Gítarleikarinn Duane Eddy er látinn MANOWAR til Íslands í fyrsta sinn „Fer ekki á milli mála að ég er að syngja um stráka“ Fögnuðu íslenskri tónlist við fjöruga opnun Seldi upp á útgáfutónleika án útgáfu „Það má segja að þetta sé í raun sorg og uppgjör“ Kom öllum að óvörum með fleiri lögum í nótt Sest við flygilinn og setur íslenska tónlist í nýjan búning Biðst afsökunar á brösuglegum Coachella-flutningi „Eina sem maður getur virkilega bætt í lífinu er maður sjálfur“ „Ég hef aldrei fylgt reglunum“ Uppselt í þriðja sinn á augabragði Íslandsvinurinn Yung Lean setur stefnuna á risatónleika í Hörpu Inga Sæland með sumarsmell í vasanum Fullur tilhlökkunar fyrir nýjum kafla Nick Cave til Íslands Emelíana Lillý úr FNV vann Söngkeppni framhaldsskólanna Tók símtalið á pabba fyrir Herbert Sjá meira