Edda ráðin þjálfari KR

Edda Garðarsdóttir, fyrrverandi fyrirliði kvennalandsliðsins í fótbolta, var í dag ráðin þjálfari KR í Pepsi-deild kvenna til næstu tveggja ára.

Edda, sem er uppalinn KR-ingur og spilaði með liðinu frá 1992-2004 og aftur frá 2007-2008, var aðstoðarþjálfari KR-liðsins í fyrra þegar það hélt sæti sínu sem nýliði.

Henni til aðstoðar verður Spánverjinn Alex Fernández sem hefur starfað hjá KR undanfarna mánuði.

Edda er þaulreynd landsliðs- og atvinnukona, en hún á að baki 103 landsleiki fyrir Ísland. Þá spilaði hún í atvinnumennsku í Svíþjóð og á Englandi.