Magnaður Mahrez skaut Leicester á topp ensku úrvalsdeildarinnar | Sjáðu mörkin

Riyad Mahrez skoraði öll þrjú mörk Leicester í sannfærandi 3-0 sigri á Swansea í dag en þetta var í fyrsti leikur Leicester í ensku deildinni frá 22. ágúst sem Jamie Vardy skoraði ekki í leik.

Mahrez skoraði fyrsta mark leiksins eftir hornspyrnu og bætti við öðru marki skömmu síðar eftir góðan undirbúning Vardy. Vardy fékk nokkur færi til að gera út um leikinn en hann var ekki á skotskónum í dag.

Hann lagði hinsvegar upp þriðja mark Mahrez sem gerði út um leikinn á 67. mínútu en Leicester er eftir leikinn með 32 stig á toppi ensku úrvalsdeildarinnar, með tveggja stiga forskot á Arsenal og þriggja stiga forskot á Manchester-liðin.

Mahrez bætir við öðru marki: Mahrez fullkomnar þrennuna: