Celtic hélt jöfnu gegn Inter | Úrslit kvöldsins

John Guidetti tryggði Celtic 3-3 jafntefli gegn stórliði Inter frá Ítalíu í fyrri viðureign liðanna í 32-liða úrslitum Evrópudeildar UEFA í kvöld.

Guidetti skoraði jöfnunarmark Skotanna á lokamínútum leiksins. Inter hafði komist 2-0 yfir á fyrsta stundarfjórðungi leiksins með marki Xherdan Shaqiri og Rodrigo Palacio en Celtic jafnaði metin með tveimur mörkum á þriggja mínútna kafla í fyrri hálfleik.

Palacio skoraði svö öðru sinni á 67. mínútu og kom Celtic yfir á ný en það dugði ekki til sigurs. Inter, sem sló Stjörnuna úr leik í lokaumferð forkeppni Evrópudeildarinnar, á þó síðari leikinn eftir á heimavelli.

Kolbeinn Sigþórsson var ekki í leikmannahópi Ajax sem vann 1-0 sigur á Legia Varsjá á heimavelli í fyrri leik liðanna í 32-liða úrslitunum í kvöld.

Úrslit kvöldsins:

Álaborg - Club Brugge 1-3

Dnipro - Olympiakos 2-0

PSV - Zenit 0-1

Roma - Feyenoord 1-1

Torino - Athletic Bilbao 2-2

Trabzonspor - Napoli 0-4

Wolfsburg - Sporting 2-0

Young Boys - Everton 1-4

Ajax - Legia Varsjá 1-0

Anderlecht - Dinamo Moskva 0-0

Celtic - Inter 3-3

Guingamp - Dynamo Kiev 2-1

Liverpool - Besiktas 1-0

Sevilla - Gladbach 1-0

Tottenham - Fiorentina 1-1

Villarreal - Salzburg 2-1